“Qəbələ” 1–1 “İnter”
21 dekabr 2014. Saat 15:00. Qəbələ şəhər stadionu, 1100 tamaşaçı
Baş hakim: Fariz Yusifov
Baş hakimin köməkçiləri: Munis Abdullayev, Elşən Acalov
Dördüncü hakim: Vüsal Əliyev
AFFA nümayəndəsi: Məmmədəli Məmmədov
Hakim-inspektor: Gülağa Cabarov
Sarı vərəqələr: Adrian Ropotan, 17 (qeyri-idman hərəkəti); Ekiqo Ehiosun, 42 (qeyri-idman hərəkəti); Ruslan Tağızadə, 66 (qeyri-idman hərəkəti); Anar Nəzirov, 82 (qeyri-idman hərəkəti) // Yohan Bokonyano, 42 (qeyri-idman hərəkəti); Elvin Məmmədov, 70 (qeyri-idman hərəkəti), 87 (qeyri-idman hərəkəti); Giorgi Lomaya, 90+2 (qeyri-idman hərəkəti); Derlis Meza Kolli, 55 (qeyri-idman hərəkəti)
Qırmızı vərəqə: Elvin Məmmədov, 87
Qollar: Dodo, 38 // Məhəmməd Mirzəbəyov, 67
Artırılan vaxt: I hissədə 1 dəq.; II hissədə 5 dəq.
Bu gün Topaz Premyer Liqasında XVIII turun oyunları keçirilib. II dövrənin son qarşılaşmaları ilə 2014/15 mövsümünün ilk yarısı başa çatıb. 2014-cü ildə son matçını keçirən “Qəbələ” öz meydanında “İnter”i qəbul edib. “Qırmızı-qaralar”ın məşqçisi Sənan Qurbanov ötən turun “Sumqayıt”la oyunu ilə müqayisədə start heyətində iki dəyişiklik edib. Sadiq Quliyev və son oyunda zədələnərək əvəzlənən Rafael Santosun əvəzində bu dəfə Ruslan Tağızadə ilə Aleksandru Benqa ilk “11-lik”də yer alıb.
Görüş qarşılıqlı hücumlarla başlayıb. Matçın təxminən ilk 20 dəqiqəsi dumanlı hava şəraitində keçib. Bu müddətdə ərazi üstünlüyünə yiyələnən “Qəbələ” iki dəfə qol vurmağa yaxın olub. Son qarşılaşmalarda komandasının ən yaxşılarından olan Ekiqo Ehiosun bu dəfə də ön xətdəki fəallığı ilə diqqət çəkib. Məhz onun iştirakı ilə baş tutan hücum zamanı rəqib qapıçı Səlahət Ağayevin qapısı önündə gərginlik yaranıb. 16-cı dəqiqədə qolkiper ardıcıl 2 zərbəni dəf edib. Bir neçə dəqiqə sonra isə Ekiqonun yaxın məsafədən zərbəsinə reaksiya verib. Bundan sonra oyunda tarazlığa nail olan bakılılar da bir neçə təhlükəli hücum təşkil edib. “İnter”in ərazi üstünlüyünə sahib olduğu vaxtda yenə səhnəyə Ekiqo çıxıb. Komanda yoldaşlarından ötürmə alan legioner cərimə meydanına daxil olaraq qapıya güclü zərbə endirib. Ağayev bu zərbəni dəf etsə də, iki müdafiəçinin arasında daha cəld tərpənən Dodo hesabı açıb – 1:0. Bu, 27 yaşlı braziliyalının mövsümdə 5-ci, “Qəbələ”də 23-cü qolu olub.
Lakin “qırmızı-qaralar” bü üstünlüyünü sonadək qoruya bilməyib. Fasilədən sonra ilk təhlükəni qonaqlar yaradıb. Elvin Məmmədovun zərbəsindən sonra Kamran Ağayev etibarlı oynayıb. Az keçməmiş Dodo dublunu rəsmiləşdirməyə yaxın olub. Lakin cənubi amerikalı əlverişli mövqedə olsa da, qapı önünə ötürməyə toxuna bilməyib. İkinci yarının ortalarında “İnter” bərabərlik qolunu vurub. Standart vəziyyətdən sonra təxminən 27 metr məsafədən zərbə endirən Məhəmməd Mirzəbəyov hesabda tarazlıq yaradıb – 1:1. Bundan sonra hər iki komanda qələbə qolunu vurmağa səy göstərib. Matçın sonlarında isə meydan sahibləri say üstünlüyü qazanıb. Elvin Məmmədovun qırmızı vərəqə alması ilə “İnter” azlıqda qaldıqdan sonra “Qəbələ” ərazi üstünlüyünü ələ alıb. Lakin bir neçə dəfə oyuna daxil olan Səlahət Ağayev hər dəfə etibarlı oynayıb. Matçın uzatma dəqiqələrində Adrian Ropotan zədələnib və meydanı tərk edib. “Qırmızı-qaralar” son saniyələrdə qələbə qoluna yaxın olub. Qapıçı ilə üz-üzə qalan Dodonun zərbəsinin qarşısını qapı dirəyi alıb. Dirəkdən dönən topu isə müdafiəçilər küncə çıxarıb.
Beləliklə, “Qəbələ” mövsümün ilk yarısını 7-ci heç-heçə ilə başa vurub.
“Qəbələ”
1. Kamran Ağayev (k)
4. Elvin Camalov
10. Dodo
12. Aleksandru Benqa
14. Cavid Hüseynov
15. Ruslan Abışov
16. Ruslan Tağızadə
25. Adrian Ropotan
(13. Murad Musayev, 90+3)
27. Bəxtiyar Soltanov
(5. Sadiq Quliyev, 76)
34. Urfan Abbasov
90. Ekiqo Ehiosun
Ehtiyat oyunçular:
30. Anar Nəzirov
8. Markus Kunya
11. Andrey Kristea
17. Qismət Alıyev
99. Tellur Mütəllimov
Məşqçi: Sənan Qurbanov
“İnter”
25. Səlahət Ağayev (k)
5. Aleksandr Amisulaşvili
8. Mikel Alvaro
11. Asif Məmmədov
(10. Elvin Məmmədov, 46)
12. Franka Nildo
(80. Nizami Hacıyev, 58)
15. Yohan Bokonyano
17. Məhəmməd Mirzəbəyov
21. Arif Daşdəmirov
28. Baçana Sxadadze
88. Derlis Meza Kolli
91. Coşqun Diniyev
(7. Abdulla Abatsiyev, 78)
Ehtiyat oyunçular:
1. Giorgi Lomaya
4. İvan Benitez
6. Slavco Georgiyevski
30. Abbas Hüseynov
Məşqçi: Zaur Svanadze
