Azərbaycan Premyer Liqasında III turun təyinatları açıqlanıb. Avqustun 31-də start götürəcək turun matçlarını idarə edəcək hakimlər, həmçinin hakim-inspektor və AFFA nümayəndələri də müəyyənləşib. Turun ilk günündə meydana çıxacaq “Qəbələ”nin qarşılaşmasının təyinatları da bəlli olub. Qəbələ şəhər stadionundakı oyunu Əliyar Ağayev idarə edəcək. Qarşılaşmada baş hakimin köməkçiləri Zeynal Zeynalovla Akif Əmirəli, dördüncü hakimi Nicat İsmayıllı olacaq. Görüşə hakim-inspektor kimi İmanxan Sultani, AFFA nümayəndəsi kimi Eldəniz Musayev təyinat alıb.
Xatırladaq ki, avqustun 31-daə keçiriləcək “Qəbələ” – “Keşlə” oyunu saat 18:30-da başlayacaq.
Azərbaycan Premyer Liqası
III tur
31 avqust (şənbə)
18:30. “Qəbələ” – “Keşlə”
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Nicat İsmayıllı
Hakim-inspektor: İmanxan Sultani
AFFA nümayəndəsi: Eldəniz Musayev
Qəbələ şəhər stadionu
