Azərbaycan Premyer Liqasında III turun ilk oyun gününün təyinatları açıqlanıb. Bu gün baş tutacaq matçları idarə edəcək hakimlər, həmçinin hakim-inspektor və AFFA nümayəndələri də müəyyənləşib. İkinci ev oyununa çıxacaq “Qəbələ”nin qarşılaşmasının təyinatları da bəlli olub. “Keşlə” ilə Qəbələ şəhər stadionunda keçiriləcək oyunu Rəşad Əhmədov idarə edəcək. Qarşılaşmada baş hakimin köməkçiləri Rahil Ramazanovla Cavanşir Yusifov, dördüncü hakimi Rəhim Həsənov olacaq. Görüşə hakim-inspektor kimi Əmrah İbrahimov, AFFA nümayəndəsi kimi Məmmədəli Məmmədov təyinat alıb.
Xatırladaq ki, “Qəbələ” – “Keşlə” oyunu saat 17:00-da başlayacaq.
Azərbaycan Premyer Liqası
III tur
17:00. "Qəbələ" - "Keşlə"
Hakimlər: Rəşad Əhmədov, Rahil Ramazanov, Cavanşir Yusifov, Rəhim Həsənov
Hakim-inspektor: Əmrah İbrahimov
AFFA nümayəndəsi: Məmmədəli Məmmədov
Qəbələ şəhər stadionu
