“Qəbələ” – “Sabah” – 3:0
15 dekabr 2019. Saat 15:00. Qəbələ şəhər stadionu, 400 tamaşaçı
Baş hakim: İnqilab Məmmədov
Baş hakimin köməkçiləri: Namiq Hüseynov, Rahil Ramazanov
Dördüncü hakim: Kamranbəy Rəhimov
Hakim-inspektor: Anar Salmanov
AFFA nümayəndəsi: Asif Əliyev
Sarı vərəqələr: Qismət Alıyev, 30 (qeyri-idman hərəkəti); Davit Volkov, 57 (qeyri-idman hərəkəti); Ülvi İsgəndərov, 89, 90+3 (qeyri-idman hərəkəti) // Ulise Diallo, 16 (hakimin qərarına etiraz); Amadu Diallo, 45+1 (qeyri-idman hərəkəti); Kərim Diniyev, 57 (qeyri-idman hərəkəti); Coşqun Diniyev, 75 (qeyri-idman hərəkəti)
Qırmızı vərəqə: Ülvi İsgəndərov, 90+3
Qollar: Klesio Bauk, 19, 43; Ülvi İsgəndərov, 87
Artırılan vaxt: I hissədə 1 dəq.; II hissədə 4 dəq.
Azərbaycan kubokunda 1/4 final mərhələsinə start verilib. Yarışa bu raunddan başlayan “Qəbələ” “Sabah”la ilk matçını keçirib. Kubokun son qalibi olan “qırmızı-qaralar” paytaxt təmsilçisini Qəbələ şəhər stadionunda qəbul edib. Premyer Liqa çərçivəsində baş tutan ötən turun “Sumqayıt”la görüşü ilə müqayisədə “Qəbələ”nin start heyətində bir dəyişiklik olub. “11-liy”ə qayıdan Amin Seydiyev Murad Musayevi əvəzləyib.
Qarşılaşmaya bakılılar daha fəal başlayıblar. Təşəbbüsə yiyələnən qonaqlar ərazi üstünlüyünə malik olsalar da, “Qəbələ”nin arxa xətt oyunçuları inamlı çıxış ediblər. Bunun nəticəsidir ki, paytaxt təmsilçisi təhlükəli epizod yaratmaqda da çətinlik çəkib. “Qırmızı-qaralar”ın əks-hücumları isə daha yaddaqalan olub. Hissənin ortalarında belə həmlələrdən biri qolla nəticələnib. Yusif Nəbiyevin sol cinahdan qapı önünə ötürməsini yaxın məsafədən Klesio Bauk bir toxunuşla qapıya göndərib. Bu, futbolçumuzun “Qəbələ”də ilk qolu olub. Az sonra mozambikli fərqi artırmaq imkanı da qazanıb. Sağ cinahdan ötürməni tamamlamaq istəyən Bauk qapıçını qabaqlaya bilməyib. Bu epizodda qolkiperlə toqquşmadan qaçan legioner qapı dirəyinə dəyərək zədələnsə də, oyunu davam etdirə bilib. Klesio ilk hissənin sonlarında ikinci qolunu vurmağı bacarıb. Cərimə meydanında komanda yoldaşından ötürmə alan yarımmüdafiəçi topu üz-üzə qaldığı qapıçının yanından tora göndərib – 2:0.
İkinci hissədə də matçın ssenarisi dəyişməyib. Məğlubiyyətdən qaçmaq üçün bakılılar böyük qüvvə ilə irəli atılıb. “Qəbələ” isə sürətli əks-hücumlar qurmağa çalışıb. Belə epizodların birində Baukun qüvvətli zərbəsi yaddaqalan olub. Paytaxt təmsilçisinin hücumlarının qarşısını müdafiəçilər alıb. Bir neçə dəfə Anar Nəzirov komandanı qoldan xilas edib. Az sonra “Qəbələ” 3-cü qola yaxın olub. Əks-hücum zamanı Baukun zərbəsini qapıçı dəf edib, təkrar zərbə endirən Fernan Lopezin göndərdiyi topu Kərim Diniyev boş qapıdan çıxarıb. Hücumun davamında Merab Qiqaurinin yaddaqalan, amma qeyri-dəqiq zərbəsi diqqət çəkib. Bundan sonra da topa daha çox nəzarət edən “Sabah” görüşün sonlarına qədər hücumlarını davam etdirib. Lakin Anar Nəzirov və müdafiəçilər hesabın dəyişməsinə imkan verməyiblər. Görüşün sonlarında Davit Volkovun əks-hücum zamanı endirdiyi zərbə təhlükəli alınıb. Az keçməmiş gürcüstanlı legioner məhsuldar ötürmə ilə yadda qalıb. Sürətli əks-hücum zamanı cərimə meydanına daxil olan hücumçu Ülvi İsgəndərovun fərqlənməsinə assistentlik edib. Beləliklə, “Qəbələ” 1/4 finalın ilk oyununda 3:0 hesabı ilə qalib gəlib. Bu, “qırmızı-qaralar”ın ev oyunlarında ardıcıl 3-cü böyükhesablı qələbəsi olub. Komandamız Premyer Liqada “Səbail” və “Zirə”yə də üç cavabsız qol vurmuşdu.
Xatırladaq ki, cavab oyunu dekabrın 19-da Bakıda baş tutacaq.
“Qəbələ”
1. Anar Nəzirov (k)
8. Qismət Alıyev
(28. Murad Musayev, 90+1)
74. Yusif Nəbiyev
9. Davit Volkov
3. İviça Zuniç
10. Klesio Bauk
(14. Ülvi İsgəndərov, 78)
77. Merab Qiqauri
21. Fernan Lopez
(7. Roman Hüseynov, 67)
6. İbrahima Niasse
19. Rövlan Muradov
2. Amin Seydiyev
Ehtiyat oyunçular:
94. Tərlan Əhmədli
11. Asif Məmmədov
4. Sadiq Quliyev
13. Kristian Kuaku
20. Faiq Hacıyev
22. Rüstəm Nuriyev
15. Vüsal Məsimov
55. İdris İnqilablı
Baş məşqçi: Azər Bağırov
“Sabah”
1. Saşa Stamenkoviç (k)
5. Kərim Diniyev
22. Məqsəd İsayev
7. Coşqun Diniyev
17. Məhəmməd Mirzəbəyov
(19. Təmkin Xəlilzadə, 64)
4. Bəhlul Mustafazadə
(21. Rocer Roxas, 86)
13. Filip İvanoviç
23. Amadu Diallo
27. Hendrik Ekşteyn
9. Ulise Dialo
11. Şakir Seyidov
(26. Ozan Can Kökcü, 46)
Ehtiyat oyunçular:
71. Dmitro Bezruk
6. Vadim Abdullayev
15. Ruslan Abışov
99. Abbas Ağazadə
20. Anar Panayev
2. Elçin Mustafayev
38. Arsen Ağcabəyov
Baş məşqçi: Jelko Sopiç
