«Qəbələ» «Maribor»u məğlub etdi
Xəbərlər / 26 İyun 2014 | 14:52188
Sloveniyada təlim-məşq toplanışında olan "Qəbələ" bu gün hazırlıq çərçivəsində üçüncü - sonuncu sınaq oyununu keçirib. Bakı vaxtı ilə 21:00-da start götürən matçda "qırmızı-qaralar" Sloveniya çempionu "Maribor"la qarşılaşıb. "Qəbələ" meydançaya aşağıdakı start heyətlə çıxıb:
Kamran Ağayev, Ruslan Tağızadə, Volodimir Levin, Rafael Santos, Elnur Allahverdiyev, Ruslan Abışov, Adrian Ropotan, Dodo, Nizami Hacıyev, Elvin Camalov, Viktor Mendi.
Matça yaxşı başlayan "Qəbələ" 14-cü dəqiqədə hesabı açıb. Ruslan Abışovun cərimə zərbəsindən asmasını Rafael Santos başla tamamlayıb. Matçın qalan dəqiqələrində hər iki tərəfin fərqlənmək imkanları olsa da, hesab dəyişməyib və "Qəbələ" Avropa Liqası matçı öncəsi sınaq oyununda Sloveniya çempionu üzərində minimal hesablı qələbə qazanıb.
Bununla da, "Qəbələ" Sloveniyadakı təlim-məşq toplanışını tamamlayıb. Komanda sabah vətənə dönəcək.
OXŞAR XƏBƏRLƏR
