“Keşlə” – “Qəbələ” – 1:0
Azərbaycan Kuboku, Final oyunu
28 may 2018.Saat 20:00.Qəbələ şəhər stadionu. 4500 tamaşaçı
Baş hakim: Rauf Cabbarov
Baş hakimin köməkçiləri: Knyaz Əmiraslanov, Nahid Əliyev
Dördüncü hakim: Əliyar Ağayev
AFFA nümayəndəsi: Şaiq Həmidov
Hakim-inspektor: Vüsal Əliyev
Sarı vərəqələr: Tərlan Quliyev, 7 (qeyri-idman hərəkəti); Ebrima Sohna, 17 (qeyri-idman hərəkəti); Orxan Sadıqlı, 88 (qeyri-idman hərəkəti); Kamran Ağayev, 90+1 (oyunun bərpasını ləngitdiyinə görə); Pərdis Fərcad-Azad, 90+5 (qeyri-idman hərəkəti) // Stiven Monroz, 4 (qeyri-idman hərəkəti); Famussa Kone, 77 (qeyri-idman hərəkəti)
Qırmızı vərəqə: İlqar Qurbanov, 88 (aqressiv hərəkət)
Qol: Pərdis Fərcad-Azad, 71
Artırılan vaxt: I hissədə - yoxdur; II hissədə - 5 dəq.
Bu gün Azərbaycan kubokunda final oyunu keçirilib. 2017/18 mövsümünün son oyunu Qəbələ şəhər stadionunda keçirilib. Həlledici qarşılaşmada “Keşlə” və “Qəbələ” üz-üzə gəlib. “Qırmızı-qaralar” keçirdiyi son oyunla müqayisədə meydana 1 dəyişikliklə çıxıblar. Vojislav Stankoviç start “11-liy”ində yer alıbsa, Elvin Camalov bu dəfə kənarda qalıb.
Hər iki komanda tarixində ilk dəfə kuboku başı üzərinə qaldırmaq istədiyindən oyuna ehtiyatlı başlayıb. İlk dəqiqələrdə paytaxt təmsilçisi nisbətən fəal olsa da, “Qəbələ” təşəbbüsə yiyələnib. Komandamızın cüzi ərazi üstünlüyü ilə keçən ilk 45 dəqiqə təhlükəli epizodlar sarıdan bol olmayıb. İlk belə an hissənin ortalarına təsadüf edib. Təmkin Xəlilzadənin cərimə meydanı daxilindən endirdiyi zərbəni qolkiper dəf edib. Famussa Konenin qapıçı meydanı yaxınlığında yıxıldığı epizodda isə qayda pozuntusu qeydə alınmayıb. “Qırmızı-qaralar” fasilə ərəfəsində hesabı açmağa yaxın olublar. Cavid Hüseynovun cinah asmasından sonra Baqali Dabo topa çatmayıb.
İkinci hissə də oxşar ssenari ilə keçib. İlk dəqiqələrdən irəli atılan nominal meydan sahibləri Andre Klennonla hesabı açmağa yaxın olub. Lakin müdafiəçilər topu onun ayaqları altından uzaqlaşdırıb. Ardınca təşəbbüsə yiyələnən “qırmızı-qaralar” daha çox hücum təşkil edib. Xüsusilə cinah ötürmələri təhlükəli alınıb. Belə epizodların birində Famussa Konenin baş zərbəsindən sonra top tirin üstündən keçib. “Keşlə”nin əks-hücumları daha yaddaqalan olub. Bunların birində Vaqif Cavadovun zərbəsini Dmitri Bezotosnı dəf edib. Az sonra Vaqifin ötürməsi ilə Pərdis Fərcad-Azad üz-üzə qaldığı qapıçını da keçib və hesabı açıb. Cavadov isə növbəti təkbətəkdən məğlub ayrılıb. Hər iki mərkəz müdafiəçisini əvəzləyən Qriqorçuk Asif Məmmədovla Filip Ozobiçi meydana buraxıb. Lakin oyunun axarını dəyişmək mümkün olmayıb. Aramsız hücumlar təşkil edən “Qəbələ” bakılıların etibarlı müdafiə xəttini yara bilməyib. Stiven Monroz bir neçə dəfə fərqlənmək imkanı əldə etsə də, son anda zərbəsi alınmayıb. Görüşün sonlarında isə İlqar Qurbanov qırmızı vərəqə alıb.
Beləliklə, “Qəbələ” tarixində 3-cü dəfə Azərbaycan kubokunu finalçı kimi başa vurub.
“Keşlə”
1. Kamran Ağayev (k)
2. Sertan Taşkın
3. Denis Silva
4. Slavik Alxasov
7. Vaqif Cavadov
10. Sezar Meza Kolli
(88. Məmməd Quliyev, 85)
14. Andre Klennon
(9. Pərdis Fərcad-Azad, 65)
27. Adrian Skarlatake
33. Tərlan Quliyev
40. Nemanya Stoyanoviç
(39. Əlibəy Məmmədli, 90+4)
90. Ebrima Sohna
Ehtiyat oyunçular:
15. Orxan Sadıqlı
21. Herve Tçami
22. Məqsəd İsayev
66. Murad Qayalı
58. Sinan Akkoyun
80. Rafael Məhərrəmli
16. Şahin Zəkiyev
Məşqçi: Revit Sergii
“Qəbələ”
22. Dmitri Bezotosnı
3. Voislav Stankoviç
(19. Filip Ozobiç, 76)
5. Rasim Ramaldanov
8. Qismət Alıyev
9. Baqali Dabo
14. Cavid Hüseynov (k)
15. Vitali Vernidub
(11. Asif Məmmədov, 85)
18. İlqar Qurbanov
28. Stiven Monroz
33. Təmkin Xəlilzadə
45. Famussa Kone
Ehtiyat oyunçular:
23. Aqil Məmmədov
35. Murad Popov
4. Elvin Camalov
6. Elvin Məmmədov
29. Hacıağa Hacıyev
32. Amin Seydiyev
74. Yusif Nəbiyev
Baş məşqçi: Roman Qriqorçuk
