“Qəbələ” – “Sumqayıt” – 1:0
3 fevral 2019. Saat 14:00. Qəbələ şəhər stadionu, 530 tamaşaçı
Baş hakim: Əliyar Ağayev
Baş hakimin köməkçiləri: Akif Əmirəli, Rza Məmmədov
Dördüncü hakim: Kamal Umudlu
Hakim-inspektor: Munis Abdullayev
AFFA nümayəndəsi: Şaiq Həmidov
Sarı vərəqələr: Davit Volkov, 43 (qeyri-idman hərəkəti); Amin Seydiyev, 57 (qeyri-idman hərəkəti); Urfan Abbasov, 79 (qeyri-idman hərəkəti)
Qollar: Stiven Monroz, 84
Artırılan vaxt: I hissədə - yoxdur.; II hissədə - 3 dəq.
“Qəbələ” mövsümün ikinci yarısına start verib. “Qırmızı-qaralar” Topaz Premyer Liqasının dünən başlayan XV turunun ikinci günündə meydana çıxıb. Sənan Qurbanovun baş məşqçisi olduğu komanda III dövrənin ilk görüşünü evdə keçirib. “Qəbələ” turnir cədvəlində qonşu pillədə qərarlaşan “Sumqayıt”ı qəbul edib. Qurbanov start heyətində yeni transfer Davit Volkovi və klubun futbol akademiyasının yetirməsi Amin Seydiyevə şans verib.
Görüş qarşılıqlı hücumlarla başlayıb. Oyunun əvvəlində “Qəbələ” daha çox mövqe hücumları qurmağa çalışıbsa, sumqayıtlılar sürətli həmlələrə üstünlük verib. 9-cu dəqiqədə sağ cinahla irəliləyən Stiven Monroz rəqib qapısı önündə təhlükə yaratsa da, onun çərçivə önünə ötürməsini qolkiper tutub. Ardınca Dmitri Bezotosnı bir neçə dəfə inamlı oyun nümayiş etdirib. O, Əfran İsmayılovun təhlükəli cərimə zərbəsi və Aleksey İsayevin gözlənilmədən göndərdiyi topu dəf edib. İlk yarının sonlarında fəallığı artıran “qırmızı-qaralar” bir neçə yaddaqalan epizod yaradıb. 33-cü dəqiqədə Cavid Hüseynovun ötürməsindən sonra öncə Stiven Monroz, ardınca Ceyms Adeniyi qapını nişan alıb. İlk zərbə müdafiəçidən dönübsə, təkrar toxunuşdan sonra qapının üstündən keçib. Lalavele Atakora isə iki dəfə qapı istiqamətinə təhlükəli zərbə endirib. Hər iki epizodda rəqib qolkiper qola imkan verməyib.
İkinci hissəyə hücumlarla başlayan “qırmızı-qaralar” rəqib qapıçısı üçün bir neçə gərgin epizod yaradıb. Stiven Monroz və Davit Volkovinin çərçivəyə düşməyən zərbələri də yaddaqalan olub. Hissənin ortalarında “Qəbələ” hesabı açmağa real imkan qazanıb. Stiven Monrozun cərimə meydançasına ötürməsindən sonra Ceyms Adeniyi yaxın məsafədən qapını nişan alıb. Lakin top qapı dirəyinə tuş gəlib. Qarşılıqlı hücumların müşahidə olunduğu ikinci yarıda “Qəbələ”nin həmlələri daha təhlükəli alınıb. 84-cü dəqiqədə isə hesab açılıb. Matçın ən fəallarından olan Stiven Monroz təxminən 24 metrdən qapını dəqiq nişan alıb. Bu, onun cari çempionatda 5-ci, “qırmızı-qaralar”ın 2019-cu ildə ilk qolu olub. Monrozun rəqib qapısından keçirdiyi top matçın taleyini həll edib. Düzdür, buraxılan qoldan sonra qonaqlar böyük qüvvə ilə atılıb. Lakin “Qəbələ” üstünlüyünü qoruyaraq mövsümün ikinci yarısına 1:0 hesablı ev qələbəsi ilə başlayıb.
“Qəbələ”
22. Dmitri Bezotosnı
34. Urfan Abbasov
14. Cavid Hüseynov (k)
4. Elvin Camalov
3. Voislav Stankoviç
21. Atakora Lalavele
17. Ceyms Adeniyi
28. Stiven Monroz
9. Davit Volkov
(88. Sabien Lilay, 81)
27. Bəhlul Mustafazadə
2. Amin Seydiyev
Ehtiyat oyunçular:
1. Anar Nəzirov
35. Murad Popov
5. Rasim Ramaldanov
18. İlqar Qurbanov
8. Qismət Alıyev
7. Roman Hüseynov
98. Rövlan Muradov
Baş məşqçi: Sənan Qurbanov
“Sumqayıt”
12. Rəşad Əzizli
21. Arif Daşdəmirov
2. Rail Məlikov
(70. Ülvi İsgəndərov, 87)
3. Vurğun Hüseynov (k)
99. Əli Babayev
10. Aleksey İsayev
22. Əfran İsmayılov
7. Cavid Tağıyev
(11. Atilla Yıldırım, 64)
5. Adil Nağıyev
8. Peyman Babayi
(15. Əmir Ağayev, 69)
74. Yusif Nəbiyev
Ehtiyat oyunçular:
1. Mehdi Cənnətov
60. Elvin Məmmədov
17. Nicat Qurbanov
50. Peyman Keşavari
9. Ehtiram Şahverdiyev
97. Xəyal Nəcəfov
77. Murad Xaçayev
18. Süleyman Əhmədov
Baş məşqçi: Ayxan Abbasov
