«Qəbələ» «Neftçi» ilə oyunun hazırlığına start verdi
Xəbərlər / 19 Noyabr 2019 | 22:04248
“Qəbələ” Azərbaycan Premyer Liqasının XII turunun hazırlığına start verib. Noyabrın 24-də Bakıda “Neftçi”nin qonağı olacaq “qırmızı-qaralar” bu gün bir araya gəlib. “Səbail”lə noyabrın 16-da keçirilən yoxlama oyununun (3:2) ertəsi gün bərpaedici məşq edib, ardınca birgünlük istirahətə buraxılan futbolçular paytaxtda toplaşıblar. Elmar Baxşıyevin rəhbərliyi altında keçən məşq prosesində milli komandalarda olan futbolçular, həmçinin əməliyyatdan sonra bərpa prosesi keçən Rasim Ramaldanovdan başqa bütün oyunçular iştirak ediblər.
Xatırladaq ki, noyabrın 24-də “Bakcell Arena”da keçiriləcək “Neftçi” – “Qəbələ” oyunu saat 17:00-da başlayacaq.
OXŞAR XƏBƏRLƏR
