“Qəbələ” – “Neftçi” - 1:0
3 fevral 2017. Saat 17:00. Qəbələ şəhər stadionu, 1200 tamaşaçı
Baş hakim: Fariz Yusifov
Baş hakimin köməkçiləri: Yaşar Abbasov, Namiq Hüseynov
Dördüncü hakim: Elvin Əsgərov
AFFA nümayəndəsi: Məmmədəli Məmmədov
Hakim-inspektor: Əli Hüseynov
Sarı vərəqələr: Vojislav Stankoviç, 39 (qeyri-idman hərəkəti); Rəşad Sadiqov, 47 (hakimi aldatmağa cəhd); Araz Abdullayev, 57 (qeyri-idman hərəkəti); Daniel Subotiç, 89 (hakimi aldatmağa cəhd) // Ruslan Abışov, 76 (qeyri-idman hərəkəti)
Qol: Daniel Subotiç, 77
Artırılan vaxt: I hissədə 1 dəq.; II hissədə 2 dəq.
Bu gün Topaz Premyer Liqasında XVI tura start verilib. “Qəbələ” öz meydanında “Neftçi”ni qəbul edib. Ötən tur xal itkisi ilə üzləşən “qırmızı-qaralar” ev oyununa qələbə iddiası ilə çıxıb. Baş məşqçi Roman Qriqorçuk 6 gün əvvəlki matçla müqayisədə start “11-liy”ində 4 dəyişiklik edib.
Vojislav Stankoviç, Cavid Hüseynov, Baqali Dabo və Araz Abdullayev ilk dəqiqələrdən meydana çıxıblar. Əvəzində Sergey Zenyov, Ruslan Qurbanov, Asif Məmmədov və Rikardinyo start heyətindən kənarda qalıblar.
Turun mərkəzi oyunu gözlənildiyindən fərqli olaraq sakit məcrada başlayıb. Kəşfiyyata üstünlük verən hər iki komanda uzun müddət ehtiyatla mübarizə aparıb. “Qəbələ” ərazi üstünlüyünə yiyələnməyi bacarsa da qapılar önündə ilk təhlükə kifayət qədər gec yaranıb.
Hissənin ortalarında Varqas Bezotosnını ustalığını göstərməyə məcbur edib. Komandamız buna Kvekveskirinin ardıcıl iki gözəl zərbəsi ilə cavab verib. İlk epizodda qapıçı, ardınca qeyri-dəqiqlik hesabın açılmasına imkan verməyib.
Ardıcıl ikinci dəfə xal itirmək niyyətində olmayan “Qəbələ” fasilədən sonra fəallığı daha da artırıb. Üstün futbol sərgiləyən komandamız ardıcıl hücumlar təşkil etsə də, qol imkanları sarıdan o qədər zəngin matç alınmayıb. Bakılılar isə daha çox əks-hücumlara ümid edib. Paytaxt təmsilçisinin bu cəhdləri də müəyyən təhlükə kəsb edib.
Hücumların kəsərini artırmağa çalışan Qriqorçuk yeni transfer Daniel Subotiçi meydana buraxıb. İsveçrəli futbolçu 2,5 ildən sonra qayıtdığı komandada ilk oyununu qolla qeyd edib. Onun 77-ci dəqiqədəki qolu matçda yeganə olub. Danielin debütdə vurduğu top komandamıza 1:0 hesablı qələbə qazandırıb. Qoldan sonra qonaqlar fəallığı artırsa da hesabı dəyişə bilməyib. Görüşün sonluğu gərginliklə diqqət çəkib. Nəticədə Qriqorçuk və qonaqların məşqçilərindən biri texniki zonadan kənarlaşdırılıb.
Beləliklə, “Qəbələ” mövsümün ikinci yarısında ilk qələbəsini “Neftçi” ilə oyunda qazanıb - 1:0.
“Qəbələ”
22. Dmitri Bezotosnı
3. Vojislav Stankoviç
6. Rəşad Sadiqov (k)
(4. Elvin Camalov, 84)
7. Nika Kvekveskiri
14.Cavid Hüseynov
15. Vitali Vernidub
18. Baqali Dabo
(31. Daniel Subotiç, 57)
19. Filip Ozobiç
34. Ürfan Abbasov
77. Araz Abdullayev
(17. Məhəmməd Mirzəbəyov, 62)
88. Tellur Mütəllimov
Ehtiyat oyunçular:
33. David Pietrzkeviç
9. Sergey Zenyov
21. Roman Hüseynov
27. Teo Uiks
Baş məşqçi: Roman Qriqorçuk
“Neftçi”
33. Boban Baykoviç
27. Məqsəd İsayev
6. Pavel Dreksa
25. Kiril Petrov
29. Georgi Navalovski
8. Zdenek Folprext
15. Ruslan Abışov (k)
17. Rəhman Hacıyev
10. Cavid İmamverdiyev
(19. Fəhmin Muradbəyli, 46)
7. Namiq Ələsgərov
9. Uqo Barqas
(12. Daniel Seqovia, 74)
Ehtiyat oyunçular:
53. Maksim Vaylo
13. Murad Ağayev
3. Jayro Rodriges
22. Mahir Şükürov
11. İqnasio Herrera Fernandes
Baş məşqçi: Elxan Abdullayev
