Topaz Premyer Liqasında II dövrənin ilk təyinatları açıqlanıb. VIII turun görüşlərini idarə edəcək hakimlər, hakim-inspektor və AFFA nümayəndələri müəyyənləşib. Dövrənin ilk qarşılaşmasında “Neftçi”ni qəbul edəcək “Qəbələ”nin oyununa da təyinatlar bəlli olub. Oktyabrın 20-də keçiriləcək matçı Rəhim Həsənov idarə edəcək. Qəbələ şəhər stadionundakı matçın köməkçi hakimləri Akif Əmirəli və Cəmil Quliyev olacaq. Dördüncü hakim funksiyasını Ziya Nəsirov yerinə yetirəcək. Qarşılaşmaya hakim-inspektor kimi Fazil Mürşüdov, AFFA nümayəndəsi kimi isə Namiq Məstanov təyinat alıb.
Xatırladaq ki, oktyabrın 20-də keçiriləcək “Qəbələ” – “Neftçi” görüşü saat 17:00-da başlayacaq.
Topaz Premyer Liqası
VIII tur
20 oktyabr (şənbə)
17:00. “Qəbələ” – “Neftçi”
Hakimlər: Rəhim Həsənov, Akif Əmirəli, Cəmil Quliyev, Ziya Nəsirov
Hakim-inspektor: Fazil Mürşüdov
AFFA nümayəndəsi: Namiq Məstanov
Qəbələ şəhər stadionu
