Azərbaycan Premyer Liqasında VI turun bütün təyinatları açıqlanıb. Sentyabrın 27-29-da keçiriləcək oyunların hakimləri, hakim-inspektor və AFFA nümayəndələri müəyyənləşib. “Qəbələ”nin qarşılaşmasının da təyinatları bəlli olub. Sentyabrın 28-də “Neftçi”ni qəbul edəcək “qırmızı-qaralar”ın matçını Kamal Umudlu idarə edəcək. Onun köməkçiləri Cavanşir Yusifovla Eyyub İbrahimov olacaq. Dördüncü hakim funksiyasını Namiq Bəkirov yerinə yetirəcək. Görüşün hakim-inspektoru Ömər Paşayev, AFFA nümayəndəsi isə Seymur Səlimli olacaq.
Xatırladaq ki, Qəbələ şəhər stadionunda baş tutacaq “Qəbələ” – “Neftçi” qarşılaşması saat 17:00-da başlayacaq.
Azərbaycan Premyer Liqası
VI tur
28 sentyabr (şənbə)
17:00. “Qəbələ” – “Neftçi”
Baş hakim: Kamal Umudlu
Baş hakimin köməkçiləri: Cavanşir Yusifov, Eyyub İbrahimov
Dördüncü hakim: Namiq Bəkirov
Hakim-inspektor: Ömər Paşayev
AFFA nümayəndəsi:Seymur Səlimli
Qəbələ şəhər stadionu
