Azərbaycan Premyer Liqasında XVIII turun bütün təyinatları açıqlanıb. Fevralın 22-23-də keçiriləcək oyunların hakimləri, hakim-inspektor və AFFA nümayəndələri müəyyənləşib. “Qəbələ”nin qarşılaşmasının da təyinatları bəlli olub. Turun ilk günündə “Neftçi”ni qəbul edəcək “qırmızı-qaralar”ın matçını Əliyar Ağayev idarə edəcək. Onun köməkçiləri Zeynal Zeynalov və Akif Əmirəli olacaq. Dördüncü hakim funksiyasını Namiq Bəkirov yerinə yetirəcək. Görüşün hakim-inspektoru Rövşən Əhmədov, AFFA nümayəndəsi isə Mübariz Hüseynov olacaq.
Xatırladaq ki, Qəbələ şəhər stadionunda baş tutacaq “Qəbələ” – “Neftçi” qarşılaşması saat 15:00-da başlayacaq.
Azərbaycan Premyer Liqası
XVIII tur
22 fevral (şənbə)
15:00. “Qəbələ” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Namiq Bəkirov
Hakim-inspektor: Rövşən Əhmədov
AFFA nümayəndəsi: Mübariz Hüseynov
Qəbələ şəhər stadionu
