Azərbaycan Premyer Liqasında X turun son təyinatları açıqlanıb. Noyabrın 22-də keçiriləcək oyunların hakimləri, hakim-inspektor və AFFA nümayəndələri müəyyənləşib. “Qəbələ”nin qarşılaşmasının da təyinatları bəlli olub. “Neftçi”ni qəbul edəcək “qırmızı-qaralar”ın matçını Rəvan Həmzəzadə idarə edəcək. Onun köməkçiləri Cəmil Quliyev və Müslüm Əliyev olacaq. Dördüncü hakim funksiyasını Namiq Bəkirov yerinə yetirəcək. Görüşün hakim-inspektoru Anar Salmanov, AFFA nümayəndəsi isə Rüfət Əmirov olacaq.
Xatırladaq ki, Qəbələ şəhər stadionunda baş tutacaq “Qəbələ” – “Neftçi” qarşılaşması saat 14:00-da başlayacaq.
Azərbaycan Premyer Liqası
X tur
22 noyabr (bazar)
14:00. “Qəbələ” – “Neftçi”
Hakimlər: Rəvan Həmzəzadə, Cəmil Quliyev, Müslüm Əliyev, Namiq Bəkirov
Hakim-inspektor: Anar Salmanov
AFFA nümayəndəsi: Rüfət Əmirov
Qəbələ şəhər stadionu
