“Neftçi” – “Qəbələ” – 1:0
14 mart 2017. Saat 20:00.“Bakcell Arena”, 1100 tamaşaçı
Baş hakim: Elvin Əsgərov
Baş hakimin köməkçiləri: Vaqif Musayev, Mehman Mahmudov
Dördüncü hakim: Ömər Paşayev
AFFA nümayəndəsi: Mübariz Hüseynov
Hakim-inspektor: Şaiq Həmidov
Sarı vərəqələr: Kiril Petrov, 67 (qeyri-idman hərəkəti); Boban Baykoviç, 89 (oyunun bərpasını ləngitdiyinə görə) // Daniel Subotiç, 47 (qeyri-idman hərəkəti)
Qol: Namiq Ələsgərov, 40
Artırılan vaxt: I hissədə 1 dəq.; II hissədə 5 dəq.
Topaz Premyer Liqasında XXII tura yekun vurulub. IV dövrənin ilk turunun son matçı “Bakcell Arena”da keçirilib. “Qəbələ” səfərdə “Neftçi” ilə qarşılaşıb. “Qırmızı-qaralar”ın baş məşqçisi Roman Qriqorçuk ötən turla müqayisədə start heyətində üç dəyişiklik edib. Nika Kvekveskiri, Asif Məmmədov və Rafael Santos ilk “11-liy”ə dönüb. Onlar Rasim Ramaldanov, Sergey Zenyov və Teo Uiksi əvəzləyib.
Görüş meydan sahiblərinin hücumları ilə başlayıb. Artıq ilk dəqiqələrdə Dmitri Bezotosnı iki dəfə oyuna daxil olub. “Qırmızı-qaralar”ın cavabı özünü gözlətməyib. Araz Abdullayevin cərimə zərbəsini rəqib qolkiper qaytara bilib. Paytaxt təmsilçisi 9-cu dəqiqədə fərqlənməyə yaxın olub. Ruslan Abışovun yaxın məsafədən zərbəsini Bezotosnı zərərsizləşdirib. İlk yarının ortalarında oyunda tarazlıq yaradan “Qəbələ” rəqibin həmlələrinə təhlükəli hücumlarla cavab verib. Filip Ozobiç qısa müddətdə cərimə meydanının daxilində 3 qol imkanı əldə edib. Lakin çempionatın bombardiri 10-12 metrdən qapıya düşə bilməyib. Xüsusilə cinahlarda fəal olan “Qəbələ” rəqibin müdafiə xəttini yarmaqda çətinlik çəkib. Bunu bacardıqda isə qapıçı meydan sahiblərini xilas edib. “Neftçi” isə 39-cu dəqiqədə hesabı açıb. Sağ cinahdan ötürmə zamanı uzaq dirəyin yaxınlığında nəzarətsiz qalan Namiq Ələsgərov başla qarşısıalınmaz zərbə endirib – 1:0. Buraxılan qoldan sonra daha böyük qüvvə ilə hücumlara keçən komandamız fasilə öncəsi qola yaxın olub. Amma künc zərbəsindən sonra qapıçı “qırmızı-qaralar”ı qabaqlayıb.
İkinci hissəyə “Qəbələ” daha fəal başlasa da, real qol vəziyyəti yaratmaqda çətinlik çəkib. İlk belə vəziyyət Ozobiçin yaxın məsafədən zərbəsi zamanı yaşanıb. Lakin müdafiəçiyə toxunan top küncə çıxıb. Korner zamanı isə rəqib qolkiper hamını qabaqlayıb. Qriqorçuk hücum xəttini gücləndirmək üçün Baqali Dabonu da meydana buraxıb. Lakin üstünlüyü rəqibə verməyən “Neftçi” də hücuma hücumla cavab verib. Bakılılar hətta bir neçə dəfə hesabı artırmaq imkanı da qazanıb. Final fitinə 13 dəqiqə qalmış irəliləyib, cərimə meydanına daxil olan Ozobiçin 12 metrdən zərbəsi uzaq dirəyin yanından keçib. Az sonra Dabonun qazandığı cərimə zərbəsi zamanı isə Filipin ötürməsini Daniel Subotiç tamamlayıb. Lakin legioner çərçivəyə düşməyib. Meydana sonradan daxil olan Sergey Zenyov da oyunun axarını dəyişmək baxımından fayda verməyib. Son dəqiqələrdə təzyiqi artıran “qırmızı-qaralar” bərabərlik qolunu vura bilməyib.
Beləliklə, son 8 turda uduzmayan “Qəbələ” mövsümdə ikinci, bu il ilk dəfə meydanı xalsız tərk edib.
“Neftçi”
33. Boban Baykoviç
6. Pavel Dreksa
(8. Zdenek Folprext, 64)
7. Namiq Ələsgərov
11. İqnasio Herrera Fernandes
12. Daniel Seqovia
(9. Uqo Barqas, 90)
15. Ruslan Abışov (k)
(95. Elvin Bədəlov, 73)
19. Fəhmin Muradbəyli
23. Tərzin Cahangirov
25. Kiril Petrov
27. Məqsəd İsayev
29. Georgi Navalovski
Ehtiyat oyunçular:
53. Maksim Vaylo
13. Murad Ağayev
17. Rəhman Hacıyev
22. Mahir Şükürov
Baş məşqçi: Elxan Abdullayev
“Qəbələ”
22. Dmitri Bezotosnı
3. Voislav Stankoviç
7. Nika Kvekveskiri
(9. Sergey Zenyov, 80)
11. Asif Məmmədov
(18. Baqali Dabo, 61)
14.Cavid Hüseynov (k)
17. Məhəmməd Mirzəbəyov
19. Filip Ozobiç
31. Daniel Subotiç
44. Rafael Santos
(34. Ürfan Abbasov, 60)
77. Araz Abdullayev
88. Tellur Mütəllimov
Ehtiyat oyunçular:
33. David Pietrzkeviç
13. Murad Musayev
21. Roman Hüseynov
27. Teo Uiks
Baş məşqçi: Roman Qriqorçuk
