Əvəzedicilərin yarışının qalibi olmuş “Qəbələ”nin mükafatlandırılması mərasimi keçirilib. Tədbir XXXV turun AZAL-la qarşılaşmasından sonra təşkil olunub. “Qırmızı-qaralar”ın 3:1 hesabı ilə qalib gəldiyi qarşılaşmadan sonra əvəzedicilərə çempionluq kuboku və qızıl medallar təqdim edilib. Mükafatlandırma mərasimində PFL rəsmiləri - qurumun baş direktoru Məlik Həsənov, Mətbuat və İctimaiyyətlə Əlaqələr Departamentinin rəisi Aslan Şahgəldiyev və Texniki-İdman Departamentinin rəisi Zamiq Hüseynov iştirak ediblər.
Xatırladaq ki, Ramin Quliyevin baş məşqçisi olduğu əvəzedicilərdən ibarət komandamız XXXII turdan sonra, çempionatın başa çatmasına 4 tur qalmış I yeri təmin edib. Tarixində ilk dəfə qızıl medal qazanan əvəzedicilərimiz 35 turdan sonra 75 xala malikdir. 24 qələbə qazanıb, 3 heç-heçə edən komandamız 8 dəfə məğlub olub. Bu oyunlarda 86 qol vuran futbolçularımız 35 top buraxıb.
