“Qəbələ”nin futbolçusu Şahin Şahniyarov Azərbaycan millisinə çağırılıb. O, iyunda keçiriləcək yoldaşlıq oyunları üçün heyətdə yer alıb.
Komanda təlim-məşq toplanışına mayın 27-də start verəcək. Millimiz iyunun 7-də Riqadakı “Skonto” stadionunda Latviya, üç gün sonra isə “Liv Bona Dea Arena”da Macarıstanla qarşılaşacaq.
Qeyd edək ki, Şahin Azərbaycan millisində 1 oyun keçirib.