QƏBƏLƏ FC

Bu gün UEFA Avropa Liqasının III təsnifat mərhələsinin püşkü atılıb. İsveçrənin Nyon şəhərində keçirilən tədbirdə “Qəbələ”nin potensial rəqibi məlum olub. II təsnifat mərhələsinin MTK (Macarıstan) – “Qəbələ” cütünün qalibinin növbəti rəqibi Fransanın “Lill” klubu olacaq. Fransa təmsilçisi UEFA Avropa Liqasına III təsnifat mərhələsindən başlayacaq. III təsnifat mərhələsinin ilk oyunu iyulun 28-də, cavab matçı avqustun 4-də baş tutacaq. Xatırladaq ki, “Qəbələ” MTK ilə dünən səfərdə keçirilən ilk görüşdə 2:1 hesabı ilə qalib gəlib. Komandalar arasında cavab oyunu iyulun 21-də keçiriləcək.