QƏBƏLƏ FC

“Qəbələ”nin qış hazırlıq planı müəyyənləşib.

I Liqada XI turun dekabrın 24-də keçirilən “Mingəçevir”lə səfərdə keçirilən oyunundan sonra istirahətə buraxılan “qırmızı-qaralar” yanvarın 9-da bir araya gələcək. Komandamız qış təlim-məşq toplanışını Qəbələdə gerçəkləşdirəcək. Hazırlıq prosesində üç yoxlama oyunu nəzərdə tutulub. Bu matçların vaxtı və rəqiblər barədə əlavə məlumat veriləcək.

Qeyd edək ki, “Qəbələ” 11 turdan sonra 29 xalla I Liqanın lideridir.