“Qəbələ”nin səfər sınağı
Xəbərlər / 5 Fevral 2025 | 16:03442
Sabah I Liqada XIII tura start veriləcək.
Bu matçlar iki günü əhatə edəcək. “Qəbələ” ilk oyun günündə meydana çıxacaq.
“Qırmızı-qaralar” 2025-ci ilin ilk səfərində “Difai”nin qonağı olacaq. Qarşılaşma Şamaxı OİK stadionunda baş tutacaq.
12 turdan sonra 30 xalla I Liqanın lideri olan Kaxaber Tsxadadzenin baş məşqçisi olduğu komanda bu oyunlarda qol buraxmayıb. Səfərdəki bütün qarşılaşmalarda qalib gələn komandamız qələbə seriyasını 5-ə çatdırmaq üçün meydana çıxacaq.
Qeyd edək ki, oyun saat 14:30-da başlayacaq.
I Liqa, XIII tur
6 fevral (cümə axşamı)
14:30. “Difai” – “Qəbələ”
Hakimlər: Şamil İmanzadə, Aydın Bəxşiyev, Elman Kərimov, Emin Əliyev
Hakim-inspektor: Anar Salmanov
AFFA nümayəndəsi: Asif Əliyev
Şamaxı OİK stadionu
OXŞAR XƏBƏRLƏR
