QƏBƏLƏ FC

UEFA Avropa Liqasında III təsnifat mərhələsinin püşkatma mərasimi keçirilib. İsveçrənin Nyon şəhərində baş tutan tədbirdə “Qəbələ”nin potensial rəqibi də müəyyənləşib. II təsnifat mərhələsində “Dinamo” (Tbilisi, Gürcüstan) ilə qarşılaşacaq “qırmızı-qaralar” bu səddi adlasa, Hollandiyanın “Feyenoord” klubu ilə görüşəcək. Rotterdam təmsilçisi ilk qarşılaşmanı evdə keçirəcək. Bu mərhələnin matçları avqustun 8-də və 15-də keçiriləcək.

Xatırladaq ki, “Qəbələ” və “Dinamo” arasında ilk görüş iyulun 25-də, cavab matçı avqustun 1-də baş tutacaq.