QƏBƏLƏ FC

“Qəbələ”nin UEFA Avropa Liqasında pley-off mərhələsindəki rəqibi müəyyənləşib. “Qırmızı-qaralar”ın qarşılaşacağı komanda bu gün İsveçrənin Nyon şəhərində keçirilən tədbirdə bəlli olub. Komandamız qrup mərhələsinə vəsiqə uğrunda görüşlərdə “Panatinaikos” ilə qarşılaşacaq. Bu mərhələnin ilk oyunları avqustun 20-də, cavab matçları 27-də keçiriləcək. İlk qarşılaşma Bakıda, cavab oyunu isə Yunanıstanda baş tutacaq. Xatırladaq ki, “Qəbələ” I təsnifat mərhələsində Gürcüstanın “Dinamo” Tiflis (1:2, 2:0), II təsnifat mərhələsində Serbiyanın “Çukariçki” (0:1, 2:0), III təsnifat mərhələsində isə Kiprin “Apollon” (1:1, 1:0) klubunu mübarizədən kənarlaşdırıb.