“Bakı” – “Qəbələ” – 0:2
01 fevral 2015. Saat 14:00. “Bakı”nın təlim-məşq bazasının stadionu, 500 tamaşaçı
Baş hakim: İnqilab Məmmədov
Baş hakimin köməkçiləri: Yaşar Abbasov, Rza Məmmədov
Dördüncü hakim: Ramil Əhmədov
AFFA nümayəndəsi: Adil Nadirov
Hakim-inspektor: Əli Hüseynov
Sarı vərəqələr: Jaba, 57 (hakim qərarına etiraz); Nurlan Novruzov, 87 (qeyri-idman hərəkəti)
Qollar: Cavid Hüseynov, 55 (p.); Vüqar Bəybalayev, 88 (ö.q)
Artırılan vaxt: I hissədə 1 dəq.; II hissədə 2 dəq.
Topaz Premyer Liqasında mövsümün ikinci yarısının ilk turunun oyunları keçirilib. XIX turun qarşılaşmaları ilə III dövrəyə start verilib. 2015-ci ildə ilk rəsmi matçına çıxan “Qəbələ” səfərdə “Bakı”nın qonağı olub. Paytaxtın eyniadlı təmsilçisinin təlim-məşq bazasında baş tutan qarşılaşma “qırmızı-qaralar”ın ukraynalı baş məşqçisi Roman Qriqorçuk üçün debüt matçı olub. 50 yaşlı mütəxəssis qış fasiləsində transfer olunan 5 futbolçudan dördünə start heyətində yer verib. Qapıçı Dmitri Bezotosnı, yarımmüdafiəçilər Aleksey Qay, Rəşad Sadiqov və hücumçu Ruslan Fomin ilk dəqiqələrdən meydana çıxıb. Ruslan Abışov karyerasında 3-cü dəfə oyuna “qırmızı-qaralar”ın kapitan sarğısı ilə başlayıb. Start heyətində yer alan Ürfan Abbasov üçün bu görüş “Qəbələ”də 80-ci olub.
Görüş qarşılıqlı hücumlarla başlayıb. Az keçməmiş komandamız üstünlüyü ələ ala bilib. Bunda oyunun ən yaxşılarından olan Qayın orta sahədəki fəallığının böyük rolu olub. Oyunun 17-ci dəqiqəsində Abışovun cərimə zərbəsindən ötürdüyü topu məhz ukraynalı yarımmüdafiəçi qapıya göndərib. Lakin qayda pozuntusu qeydə alan hakim qolu hesaba almayıb. İlk hissənin ortalarında rəqib futbolçu ilə toqquşan Fomin başından xəsarət alıb. Ona sarğı qoyulsa da, hücumçu görüşü davam etdirə bilməyərək, Viktor Mendi ilə əvəzlənib. Fasiləyədək “Bakı” Bezotosnını bir neçə dəfə oyuna daxil olmağa məcbur etsə də, ilk yarının ən real qol vəziyyəti məhz meydan sahiblərinin qapısı önündə yaşanıb. Abışovun cərimə zərbəsindən sonra top qapı tirindən dönüb. Ardınca Cavid Hüseynovun iki zərbəsi yaddaqalan olub. Onun ilk zərbəsini qapıçı dəf edib. Qayın ötürməsindən sonra endirdiyi növbəti zərbə isə qapıdan az aralı keçib.
İkinci hissənin ilk dəqiqələrindən irəli atılan “Qəbələ”nin heyətində yenə Qay fəallığı ilə diqqət çəkib. Ukraynalı rəqibin cərimə meydanında iki müdafiəçi ilə mübarizədə komandamıza penalti də qazandırıb. Əllə oyuna görə təyin olunan zərbəni isə Hüseynov dəqiq yerinə yetirib – 1:0. 4-cü dəfə 11 metrlik nöqtədən rəqib qapısına yol tapan yarımmüdafiəçi mövsümdə 6-cı qolunu vurub. Buraxılan qoldan sonra bakılılar bir müddət üstünlüyə yiyələnib. Lakin “qırmızı-qaralar” tezliklə oyunda bərabərlik yarada bilib. Qarşılaşmanın sonlarında isə “Qəbələ” fərqi iki topa çatdırıb. Sadiqovdan ötürmə alan Mendi cərimə meydanının daxilində irəliləyərək, qapı istiqamətində güclü zərbə endirib. “Bakı”nın müdafiəçisi Vüqar Bəybalayev topu uzaqlaşdırmağa çalışsa da, avtoqol müəllifi olub – 2:0. Görüşün taleyi həll olunduqdan sonra Qriqorçuk daha bir yeni futbolçu – Mixail Sivakova da debüt şansı verib. Son saniyələrdə uzaqdan zərbə endirən Aleksey Qay qol hesabını açmağa yaxın olsa da, rəqib qapıçı topu dəf edib.
Beləliklə, 2015-ci ilə 3 xalla başlayan “Qəbələ” mövsümdə 5-ci qələbəsini qazanıb.
“Bakı”
12. Elxan Əhmədov
6. Vüqar Bəybalayev
15. Azad Kərimov
21. Elşad Manafov
2. Nicat Əsgərov
(9. Raul Yaqubzadə, 80)
99. Kamil Nurəhmədov
56. Qeyrət Əliyev
7. Nuran Qurbanov
10. Nurlan Novruzov
11. Tural Qürbətov
(77. Ramazan Abbasov, 65)
85. Jaba (k)
(45. Mahir Mədətov, 74)
Ehtiyat oyunçular:
1. Elçin Sadıqov
4. Ülvi Süleymanov
54. Mətin Əbilsoy
16. Rüstəm Rüstəmli
Baş məşqçi: İbrahim Uzunca
“Qəbələ”
22. Dmitri Bezotosnı
4. Elvin Camalov
6. Rəşad Sadiqov
(32. Mixail Sivakov, 90)
7. Ruslan Əmircanov
14. Cavid Hüseynov
15. Ruslan Abışov (k)
18. Ruslan Fomin
(9. Viktor Mendi, 27)
19. Aleksey Qay
27. Bəxtiyar Soltanov
(90. Ekiqo Ehiosun, 82)
34. Ürfan Abbasov
44. Rafael Santos
Ehtiyat oyunçular:
30. Anar Nəzirov
5. Sadiq Quliyev
16. Ruslan Tağızadə
25. Adrian Ropotan
Baş məşqçi: Roman Qriqorçuk
