“Qarabağ” – “Qəbələ” – 2:0
11 may 2016. Saat 19:00. “Əlincə Arena”, 1500 tamaşaçı
Baş hakim: Rəhim Həsənov
Baş hakimin köməkçiləri: Namiq Hüseynov, Vaqif Musayev
Dördüncü hakim: Rauf Cabbarov
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Sarı vərəqələr: Ürfan Abbasov, 66 (qeyri-idman hərəkəti); Vojislav Stankoviç, 76 (qeyri-idman hərəkəti); Ermin Zets, 90+3 (qeyri-idman hərəkəti)
Qollar: Dani, 17, 32
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXXIV turun oyunları keçirilib. Tura “Əlincə Arena”da keçirilən mərkəzi oyunla yekun vurulub. Mükafatlar uğrunda mübarizə aparan “Qəbələ” artıq çempionluğu təmin edən “Qarabağ”ın qonağı olub. “Qırmızı-qaralar” ötən turun “Zirə” ilə matçıyla müqayisədə meydana 7 dəyişikliklə çıxıb. Belə ki, 4 gün öncə start heyətində yer alan Elvin Camalov, Rəşad Sadiqov, Vitali Vernidub, Rikardinyo, Arif Daşdəmirov, Rəşad Eyyubov və Rafael Santos bu dəfə “11-lik”dən kənarda qalıb. Onların yoxluğunda Vojislav Stankoviç, Məhəmməd Mirzəbəyov, Qismət Alıyev, Ürfan Abbasov, Samir Zərgərov, Aleksey Antonov və Ruslan Abışov meydana çıxıblar.
Bu matç komandamızın baş məşqçisi Roman Qriqorçukun rəhbərliyi altında Premyer Liqada keçirdiyi 50-ci oyun olub. Görüş qarşılıqlı hücumlarla başlayıb. Lakin meydan sahiblərinin hücumları daha kəsərli alınıb. Bunun nəticəsində hesab oyunun 16-cı dəqiqəsində açılıb. Dani Kintana “Qarabağ”ı hesabda önə çıxarıb. Buraxılan qoldan sonra fəallaşan “Qəbələ” tarazlığı bərpa etməyə çalışsa da, bunu bacarmayıb. Ağdam klubu isə daha bir qol vurmağa nail olub. Dublunu rəsmiləşdirən Dani fərqi 2-yə çatdırıb. Bu qoldan sonra da oyunun ssenarisi dəyişməyib. Meydan sahiblərinin cüzi üstünlüyü şəraitində keçən ilk yarıda hesabda dəyişiklik olmayıb.
Fasilədən sonra Qriqorçuk əvəzetmələrlə oyun planında dəyişikliyə nail olmağa çalışıb. Buna baxmayaraq, “qırmızı-qaralar” matçın axarını xeyrinə dəyişə bilməyib. Görüşün sonlarında ağdamlılar daha bir qola yaxın olsa da, Dmitri Bezotosnı onunla üz-üzə qalan rəqib futbolçunun fərqlənməsinə imkan verməyib.
Beləliklə, “Qəbələ” “Qarabağ”la paytaxtda keçirilən oyunda 0:2 hesabı ilə məğlub olub.
“Qarabağ”
13. İbrahim Şehiç
2. Qara Qarayev
5. Maksim Medvedev
8. Migel Madera
9. Reynaldo Silva
10. Dani
(99. Muarem Muarem, 77)
14. Rəşad Sadıqov (k)
20. Riçard Almeyda
(22. Əfran İsmayılov, 68)
25. Ansi Aqolli
55. Bədavi Hüseynov
97. Mahir Mədətov
Ehtiyat oyunçular:
1. Fərhad Vəliyev
18. İlqar Qurbanov
32. Elvin Yunuszadə
33. Eltun Turabov
67. Əl Hərbi Əl Jadeyui
Baş məşqçi: Qurban Qurbanov
“Qəbələ”
22. Dmitri Bezotosnı
3. Vojislav Stankoviç
7. Ermin Zets
8. Məhəmməd Mirzəbəyov
11. Asif Məmmədov
(21. Arif Daşdəmirov, 72)
19. Aleksey Qay (k)
25. Qismət Alıyev
34. Ürfan Abbasov
66. Samir Zərgərov
(32. Rəşad Eyubov, 66)
69. Aleksey Antonov
(97. Roman Hüseynov, 84)
87. Ruslan Abışov
Ehtiyat oyunçular:
33. David Pietrzkeviç
5. Pavel Paşayev
13. Murad Musayev
18. Vadim Abdullayev
Baş məşqçi: Roman Qriqorçuk
