“Qarabağ” – “Qəbələ” – 2:1
17 fevral 2019. Saat 17:30. Tofiq Bəhramov adına Respublika Stadionu, 2000 tamaşaçı
Baş hakim: Rəhim Həsənov
Baş hakimin köməkçiləri: Mübariz Haşımov, Eyyub İbrahimov
Dördüncü hakim: Etibar Həsənov
Hakim-inspektor: Asim Xudiyev
AFFA nümayəndəsi: Ələddin Ələkbərov
Sarı vərəqələr: Dani Kintana, 25 (qeyri-idman hərəkəti); Bədavi Hüseynov, 28 (qeyri-idman hərəkəti); Hacıağa Hacılı, 45+3 (qeyri-idman hərəkəti) // Elvin Camalov, 39 (qeyri-idman hərəkəti); Cavid Hüseynov, 76 (qeyri-idman hərəkəti)
Qollar: Riçard Almeyda, 4 (p.); Filip Ozobiç, 30 // Cavid Hüseynov, 29 (p.)
Artırılan vaxt: I hissədə - 3 dəq.; II hissədə - 3 dəq.
Bu gün Topaz Premyer Liqasında XVII tura yekun vurulub. Turun son görüşündə “Qəbələ” “Qarabağ”ın qonağı olub. Turnir cədvəlinin ilk yarısında qərarlaşan komandaların qarşılaşması Tofiq Bəhramov adına Respublika stadionunda keçirilib. “Qırmızı-qaralar” oyuna ötən turda olduğu start heyəti ilə başlayıb.
Matç erkən qolla start götürüb. “Qəbələ”nin qapısına təyin olunan penaltini Riçard Almeyda dəqiq yerinə yetirib. Buraxılan qoldan sonra komandamız fəallığı artırıb. Azarkeşlər ilk yarının böyük hissəsi ərzində qarşılıqlı hücumlara şahidlik edib. 23-cü dəqiqədə Ceyms Adeniyinin soldan ötürməsini cərimə meydanı daxilində olan Davit Volkovi baş zərbəsi ilə tamamlayıb. Lakin gürcüstanlı legionerin zərbəsi istənilən kimi alınmayıb. 5 dəqiqə sonra isə Rauf Əliyev cərimə meydanında əlverişli mövqeyə çıxsa da, qayda pozuntusu ilə dayandırılıb. 11 metrlik cərimə zərbəsini Cavid Hüseynov qola çevirib. Hesabda tarazlıq yarandıqdan 2 dəqiqə sonra meydan sahibləri yenidən önə keçib. Bu dəfə Filip Ozobiç fərqlənib. Fasilə ərəfəsində “qırmızı-qaralar” ikinci qola yaxın olub. Cavid Hüseynovun cərimə zərbəsindən sonra Bəhlul Mustafazadə yaxın məsafədən qapını nişan alsa da, toxunuşu istənilən kimi olmayıb.
İkinci hissə eyni ssenari ilə başlayıb. Azarkeşlər qarşılıqlı hücumlar təşkil edib. Tədricən üstünlüyə yiyələnən “Qəbələ” hissənin ortalarından təşəbbüsə yiyələnib. Düzdür, qapılar önündə real qol vəziyyətləri çox olmayıb. “Qırmızı-qaralar” Bəhlul Mustafazadənin iki baş zərbəsi, həmçinin Ceyms Adeniyi və Stiven Monrozun əldə etdiyi epizodlarda rəqib qapıçısına gərginlik yaradıb. Dmitri Bezotosnı da hissə ərzində bir neçə dəfə ustalığını nümayiş etdirib. Oyunun gedişində meydana daxil olan Sabirn Lilayın da zərbəsi də yaddaqalan olsa da, hesab dəyişməyib.
Beləliklə, mövsümün ikinci yarısında ilk xal itkisi ilə üzləşən “Qəbələ” paytaxt səfərindən 1:2 hesablı məğlubiyyətlə dönüb.
“Qarabağ”
13. Vaqner da Silva
55. Bədavi Hüseynov
14. Rəşad Sadıqov (k)
5. Maksim Medvedev
20. Riçard Almeyda
25. Ansi Aqolli
17. Abdullah Zubir
19. Filip Ozobiç
10. Dani Kintana
(11. Mahir Mədətov, 46)
7. İnnosent Emeqara
(99. Reynaldo Silva, 78)
21. Hacıağa Hacılı
(2. Qara Qarayev, 46)
Ehtiyat oyunçular:
12. Şahruddin Məhəmmədəliyev
1. Hannes Halldorsson
4. Rahil Məmmədov
30. Abbas Hüseynov
9. Araz Abdullayev
52. Yakub Jezniçak
77. Donald Gerye
18. İsmayıl İbrahimli
70. Nicat Süleymanov
Baş məşqçi: Qurban Qurbanov
“Qəbələ”
22. Dmitri Bezotosnı
34. Urfan Abbasov
14. Cavid Hüseynov (k)
4. Elvin Camalov
(88. Sabien Lilay, 81)
10. Rauf Əliyev
3. Voislav Stankoviç
17. Ceyms Adeniyi
28. Stiven Monroz
9. Davit Volkov
(11. Asif Məmmədov, 90+3)
27. Bəhlul Mustafazadə
2. Amin Seydiyev
Ehtiyat oyunçular:
1. Anar Nəzirov
35. Murad Popov
5. Rasim Ramaldanov
18. İlqar Qurbanov
21. Atakora Lalavele
8. Qismət Alıyev
7. Roman Hüseynov
98. Rövlan Muradov
77. Samir Qurbanov
Məşqçi: Sənan Qurbanov
