“Neftçi” – “Qəbələ” – 4:1
24 noyabr 2019. Saat 17:00. “Bakcell Arena”, 450 tamaşaçı
Baş hakim: Kamal Umudlu
Baş hakimin köməkçiləri: Mübariz Haşımov, Cavanşir Yusifov
Dördüncü hakim: Nicat İsmayıllı
Hakim-inspektor: Asim Xudiyev
AFFA nümayəndəsi: Seymur Səlimli
Sarı vərəqələr: Faiq Hacıyev, 61 (qeyri-idman hərəkəti); Merab Qiqauri, 67 (qeyri-idman hərəkəti); Fernan Lopez, 68 (hakimin qərarına etiraz)
Qollar: Soni Mustivar, 17; Ömər Buludov, 24; Stiven Monroz, 35; Evangelos Platellas, 90+1 // Donald Qerye, 90+5 (ö.q.)
Artırılan vaxt: I hissədə yoxdur; II hissədə 5 dəq.
Azərbaycan Premyer Liqasında XII tura yekun vurulub. Turun son matçında “Qəbələ” “Neftçi” ilə qarşılaşıb. “Bakcell Arena”da təşkil olunan görüş “qırmızı-qaralar”ın mövsümün ilk yarısında paytaxtda keçirdiyi son matç olub. Komandamızın çalışdırıcısı Elmar Baxşıyev start heyətində ötən turun “Səbail”lə oyunundakı “11-liy”ə şans verib.
Görüş qarşılıqlı hücumlarla başlayıb. Lakin meydan sahibləri tədricən təşəbbüsü ələ alıblar. “Qəbələ”nin heyətində isə Asif Məmmədov və Klesio Baukun zərbələri yaddaqalan olub. Hissənin ortalarında üstünlüyünü qola çevirən paytaxt təmsilçisi 8 dəqiqəyə iki dəfə fərqlənib. Bundan sonra fəallığı bir az artıran “qırmızı-qaralar” bir neçə diqqətçəkən hücum təşkil edib. Qismət Alıyevin cərimə zərbəsi təhlükəli alınsa da, bir az dəqiqlik çatmayıb. “Ağ-qaralar” ilk yarıda daha bir qol vurmağa müvəffəq olub.
“Qəbələ” ikinci hissəyə daha istəkli başlayıb. Amma Bakı təmsilçisi üstünlüyün rəqibə keçməsinə imkan verməyib. Anar Nəzirov bir neçə dəfə inamlı oynayaraq fərqin daha da artmasına əngəl ola bilib. Merab Qiqauri və Davit Volkovun qapı istiqamətində zərbələri fərqi azaltmaq üçün yetərli olmayıb. Sonuncunun qapıçı ilə üz-üzə qaldığı epizodda isə rəqib müdafiəçinin müdaxiləsi gürcüstanlı hücumçunun zərbəsinin qarşısını alıb. “Neftçi” isə görüşün uzatma dəqiqələrində daha bir qol vurub. Komandamız hakimin final fiti ərəfəsində fərqi azaltmağı bacarıb. Amin Seydiyevin zərbəsindən sonra topun Donald Geryeye toxunması ilə avtoqol qeydə alınıb.
Beləliklə, “Qəbələ” paytaxt səfərindən xalsız ayrılıb.
“Neftçi”
1. Səlahət Ağayev
17. Rəhman Hacıyev
7. Namiq Ələsgərov
8. Emin Mahmudov (k)
25. Kiril Petrov
93. Soni Mustivar
10. Dario Frederiko
(11. Evangelos Platellas, 72)
6. Voyislav Stankoviç
(3. Mamadu Mbodj, 65)
28. Stiven Monroz
(80. İsmayıl Zülfüqarlı, 86)
77. Donald Qerye
26. Ömər Buludov
Ehtiyat oyunçular:
30. Aqil Məmmədov
12. Kamran İbrahimov
18. Tural Axundov
19. Rauf Əliyev
5. Anton Krivotsyuk
33. Turan Vəlizadə
65. Əmrah Bayramov
Baş məşqçi: Roberto Bordin
“Qəbələ”
1. Anar Nəzirov (k)
8. Qismət Alıyev
11. Asif Məmmədov
(20. Faiq Hacıyev, 46)
7. Roman Hüseynov
(14. Ülvi İsgəndərov, 55)
74. Yusif Nəbiyev
9. Davit Volkov
3. İviça Zuniç
10. Klesio Bauk
(19. Rövlan Muradov, 78)
77. Merab Qiqauri
21. Fernan Lopez
2. Amin Seydiyev
Ehtiyat oyunçular:
94. Tərlan Əhmədli
28. Murad Musayev
4. Sadiq Quliyev
13. Kristian Kuaku
22. Rüstəm Nuriyev
15. Vüsal Məsimov
Baş məşqçi: Azər Bağırov
