“Qarabağ” – “Qəbələ” – 1:0
13 dekabr 2022. Saat 19:00. “Azersun Arena”, 300 tamaşaçı
Baş hakim: Kamranbəy Rəhimov
Baş hakimin köməkçiləri: Akif Əmirəli, Rəhman İmami
Dördüncü hakim: İnqilab Məmmədov
VAR: Əliyar Ağayev
AVAR: Namiq Hüseynov
Hakim-inspektor: Gülağa Cabarov
AFFA nümayəndəsi: Elman Musayev
Sarı vərəqələr: Qara Qarayev, 55 (qeyri-idman hərəkəti) // Murad Musayev, 86 (hakimin qərarına etiraz); Ruan Renato, 90+5 (hakimin qərarına etiraz)
Rəsmi şəxsə göstərilən sarı vərəqə: Elmar Baxşıyev, 90+5 (hakimin qərarına etiraz)
Qol: Ramil Şeydayev, 68 (p.)
Artırılan vaxt: I hissədə yoxdur; II hissədə 5 dəq.
Misli Premyer Liqasında XVII tura start verilib. “Qəbələ” turun ilk günündə meydana çıxıb. “Qırmızı-qaralar” günün ikinci matçında “Qarabağ”la qarşılaşıb. Baş məşqçi Elmar Baxşıyev səfər görüşünün start heyətində ötən matçla müqayisədə üç dəyişiklik edib. Səlahət Ağayev, Asif Məmmədov və Rövlan Muradov ilk dəqiqələrdən meydana çıxıb. Onlar Kristof Atanqana, İlkin Qırtımov və Feras Abu Akalı əvəzləyib.
Beş gün əvvəl Azərbaycan kubokunun 1/4 final mərhələsinin ilk oyununda üz-üzə gələn komandalar yenə “Azersun Arena”da qarşılaşıb. Görüş əsasən qarşılıqlı hücumlarla keçib. Müəyyən ərazi üstünlüyünə malik meydan sahibləri daha çox hücum etsə də, “qırmızı-qaralar”ın əks-hücumları təhlükəli alınıb. Artıq ilk yarıda hər iki komanda hesabı açmaq üçün imkanlar əldə etsə də, fasiləyədək qol vurulmayıb.
Bakıdakı qarşılaşmaya toplaşan azarkeşlər ikinci 45 dəqiqədə də oxşar oyuna şahid olub. Emil Səfərov və Felipe Santosun əldə etdiyi əlverişli epizodlar qaçırılıb. Matçin taleyini bir qol həll edib. Penaltidən dəqiq istifadə edən “Qarabağ” minimal hesabla qalib gəlib. Buraxılan qoldan sonra daha böyük qüvvə ilə hücumlar quran komandamız bir neçə dəfə fərqlənməyə yaxın olsa da istəyinə çatmayıb. Beləliklə, “Qəbələ” 2022-ci ilin son səfər oyunundan xalsız ayrılıb. “Qırmızı-qaralar” 6 gündən sonra “Qarabağ”ı kubokun cavab oyununda qəbul edəcək. Dekabrın 24-də keçiriləcək ilin son matçında isə komandamız evdə “Turan Tovuz”la üz-üzə gələcək.
“Qarabağ”
1. Şahruddin Məhəmmədəliyev
7. Riçard Almeyda
(6. Julio Romao, 78)
5. Maksim Medvedev (k)
(30. Abbas Hüseynov, 46)
55. Bədavi Hüseynov
2. Qara Qarayev
(8. Marko Yankoviç, 60)
77. Ramil Şeydayev
13. Bəhlul Mustafazadə
44. Elvin Cəfərquliyev
10. Abdullah Zubir
20. Kadi Borqes
11. Kvabena Ovusu
(22. Musa Qurbanlı, 78)
Ehtiyat oyunçular:
23. Luka Quqeşaşvili
89. Amin Ramazanov
4. Rahil Məmmədov
18. İsmayıl İbrahimli
27. Toral Bayramov
90. Nəriman Axundzadə
15. Leandro Andrade
Baş məşqçi: Qurban Qurbanov
“Qəbələ”
1. Səlahət Ağayev
11. Asif Məmmədov (k)
(8. Andrey Strijak, 86)
27. Məqsəd İsayev
28. Murad Musayev
7. Rövlan Muradov
(34. Urfan Abbasov, 86)
77. Emil Səfərov
91. Ramon Maçado
(14. Ülvi İsgəndərov, 78)
4. Ruan Renato
5. İsnik Alimi
97. Felipe Santos
10. Omar Hani
Ehtiyat oyunçular:
13. Kristof Atanqana
36. Elməddin Sultanov
33. Hüseyn Mürsəlov
18. Mehrac Baxşalı
Baş məşqçi: Elmar Baxşıyev
