“Neftçi” – “Qəbələ” – 3:1
28 yanvar 2024. Saat 17:30. “Neftçi Arena”, 700 tamaşaçı
Baş hakim: İnqilab Məmmədov
Baş hakimin köməkçiləri: Rahil Ramazanov, Rəhman İmami
Dördüncü hakim: Vüqar Həsənli
VAR: Cavid Cəlilov
AVAR: Eyyub İbrahimov
Hakim-inspektor: Ceyhun Haşımov
AFFA nümayəndəsi: Erkin Hüseynov
Sarı vərəqələr: Azər Salahlı, 42 (qeyri-idman hərəkəti); Eddi İsrafilov, 90+3 (qeyri-idman hərəkəti); Brayan Moreno, 90+7 (qeyri-idman hərəkəti) // Gilad Abramov, 50 (qeyri-idman hərəkəti); Rauf Hüseynli, 54 (qeyri-idman hərəkəti); Zurab Oçiqava, 55 (qeyri-idman hərəkəti); Urfan Abbasov, 60 (hakimin qərarına etiraz); Asif Məmmədov, 90+7 (qeyri-idman hərəkəti)
Qırmızı vərəqələr: Zurab Oçiqava, 59 (rəqibi aşkar qol imkanından məhrum etdiyinə görə); Əyyub Allaş, oyundan sonra (hakimi təhqir etdiyinə görə)
Qollar: Emin Mahmudov, 61 (p.); Dieqo Valdez, 67; Brayan Moreno, 90+5 // Emil Səfərov, 87
Artırılan vaxt: I hissədə 1 dəq; II hissədə 6 dəq.
“Qəbələ” Misli Premyer Liqasında növbəti oyununu keçirib. “Qırmızı-qaralar” 2024-cü ildə ilk səfər matçına çıxıb.
Komandamız Bakıda “Neftçi” ilə görüşüb. XX turun son günündə baş tutan matç “Neftçi Arena”da keçirilib.
Baş məşqçi Elmar Baxşıyev ötən turla müqayisədə start heyətində üç dəyişiklik edib. Rauf Hüseynli, Zurab Oçiqava və Samuel Tetteh ilk dəqiqələrdən meydana çıxıblar. Onlar Ülvi İsgəndərov, Nicat Əliyev və Lukas Afrikonu əvəzləyiblər.
Oyunun ilk 45 dəqiqəsi qarşılıqlı hücumlarla keçib. Hər iki komanda rəqib qapısı önündə təhlükəli epizodlar yaradıb. Əyyub Allaşın iki zərbəsi yaddaqalan olub. Meydan sahiblərinin fərqlənməsinə isə Kristof Atanqana imkan verməyib.
İkinci 45 dəqiqə də eyni ssenari ilə başlayıb. Bilel Auaşeriya yaxın məsafədən təhlükəli zərbə endirsə də, top dirəyin yanından ötüb. Hissənin ortalarında paytaxt klubu iki qol vurmağı bacarıb. Zurab Oçiqavanın qırmızı vərəqə almasından sonra azlıqda qalan komandamız oyunda dönüş yaratmağa çalışıb.
“Qırmızı-qaralar” 87-ci dəqiqədə fərqi minimuma endirib. Bilel Auşaeriyanın ötürməsindən sonra Osama Xalayla qüvvətli zərbə endirib. Qapıçının dəf etdiyi topu Emil Səfərov tora qovuşdurub. Hesaba tarazlıq gətirmək üçün irəli atılan komandamız uzatma dəqiqələrində daha bir top buraxıb. Beləliklə, “Qəbələ” paytaxt səfərindən 1:3 hesablı məğlubiyyətlə ayrılıb.
Xatırladaq ki, “Qəbələ” növbəti oyununu yanvarın 31-də keçirəcək. Komandamız Azərbaycan kubokunun 1/4 final mərhələsinin ilk oyununda “Araz-Naxçıvan”ın qonağı olacaq.
“Neftçi”
93. Rza Cəfərov
8. Emin Mahmudov (k)
(10. Filip Ozobiç, 78)
14. Eddi İsrafilov
17. Rəhman Hacıyev
19. Azər Salahlı
4. Mark Tamaş
6. Dieqo Valdez
99. Ervin Koffi
44. Yuri Matias
9. Andre Şinyaşiki
(20. Alfa Konte, 78)
77. Yeqor Boqomolski
(88. Brayan Moreno, 78)
Ehtiyat oyunçular:
30. Aqil Məmmədov
95. Rəvan Kazımov
2. Qara Qarayev
3. Höccət Haqverdi
7. Azər Əliyev
26. Ömər Buludov
28. Turan Vəlizadə
41. Samir Həsənov
16. Lukas Melano
Baş məşqçi: Miodraq Bojoviç
“Qəbələ”
13. Kristof Atanqana
34. Urfan Abbasov (k)
28. Murad Musayev
5. Rauf Hüseynli
7. Emil Səfərov
20. Bilel Auaşeriya
3. Zurab Oçiqava
19. Samuel Tetteh
(2. İlkin Qırtımov, 62)
9. Əyyub Allaş
72. Osama Xalayla
8. Gilad Abramov
(11. Asif Məmmədov, 74)
Ehtiyat oyunçular:
1. Rəşad Əzizli
36. Elməddin Sultanov
14. Ülvi İsgəndərov
12. Nicat Əliyev
33. Hüseyn Mürsəlov
18. Mehrac Baxşalı
71. Sənan Ağalarov
27. Eşqin Əhmədov
17. Yaovi Akakpo
Baş məşqçi: Elmar Baxşıyev
