“Qarabağ” - “Qəbələ” – 0:1
28 fevral 2015. Saat 17:00. Tofiq Bəhramov adına Respublika stadionu, 1000 tamaşaçı
Baş hakim: İnqilab Məmmədov
Baş hakimin köməkçiləri: Rza Məmmədov, Rahil Ramazanov
Dördüncü hakim: Elman Musayev
Əlavə köməkçi hakimlər: Fariz Yusifov, Ramil Əhmədov
AFFA nümayəndəsi: Telman Əzizov
Hakim-inspektor: Məhəmməd Məmmədov
Sarı vərəqələr: Maksim Medvedev, 40 (qeyri-idman hərəkəti); Rəşad Sadıqov, 45 (hakim qərarına etiraz) // Dodo, 28 (qeyri-idman hərəkəti); Ekiqo Ehiosun, 34 (qeyri-idman hərəkəti); Ruslan Abışov, 77 (qeyri-idman hərəkəti); Ruslan Tağızadə, 82 (oyunun bərpasını ləngitdiyinə görə)
Qol: Namiq Ələsgərov, 45 (ö.q.)
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXIV turun oyunları keçirilib. “Qəbələ” Azərbaycan milli komandalarının Türkiyədə keçirilən təlim-məşq toplanışı ilə əlaqədar yaranan qısa fasilədən sonra ilk matçda qüvvəsini sınayıb. Roman Qriqorçukun yetirmələri səfərdə “Qarabağ”ın qonağı olub.
“Qəbələ” bu qarşılaşmada Xocalı soyqırımını yad edib. “Qırmızı-qaralar” oyundan öncə meydana üzərində “Justice for Khojaly” yazısı əks olunan geyimlə çıxıb. “Xocalıya ədalət” şüarı ilə 23 il əvvəl – 1992-ci il fevralın 26-da yaşanan faciə yad edilib.
Komandamız Tofiq Bəhramov adına Respublika stadionundakı görüşə ötən turun “Xəzər Lənkəran”la matçı ilə müqayisədə bir dəyişikliklə çıxıb. Cavid Hüseynovun yoxluğunda sağ cinahda Ruslan Tağızadə yer alıb.
Qarşılaşmaya meydan sahibləri daha fəal başlayıb. Lakin tezliklə “Qəbələ” oyunu bərabərləşdirib. Qarşılıqlı hücumlarla keçən ilk yarıda “qırmızı-qaralar”ın təşkil etdiyi sürətli həmlələr daha yaddaqalan olub. 22-ci dəqiqədə Ürfan Abbasovun sol cinahdan qapı önünə ötürməsini Viktor Mendi başla tamamlasa da, dəqiq zərbə alınmayıb. Bundan sonra da təhlükəli hücumlar quran “Qəbələ” istəyinə fasilə ərəfəsində çatıb. Ruslan Abışovun sol cinahdan yerinə yetirdiyi künc zərbəsi qolla nəticələnib. Onun qapı önünə göndərdiyi topu Ekiqo Ehiosun başla qapıya göndərsə də, “Qarabağ”ın qapıçısı İbrahim Şehiç bu zərbəyə reaksiya verib. Amma onun dəf etdiyi top Namiq Ələsgərova toxunduqdan sonra qapı xəttindən keçib və avtoqol qeydə alınıb.
Fasilədən sonra meydan sahibləri məğlubiyyətdən qaçmaq üçün böyük qüvvə ilə irəli atılıb. Müdafiədə etibarlı oynayan “qırmızı-qaralar”ın əks-hücumları isə daha təhlükəli alınıb. Xüsusilə də Mendi ilə Dodonun fəallığı diqqət çəkib. 58-ci dəqiqədə seneqallının ötürməsindən sonra cərimə meydanına daxil olan Dodo iki müdafiəçinin əhatəsindən qapıya zərbə vurub. Lakin cənubi amerikalı çərçivəyə düşə bilməyib. Bunadək ardıcıl 6 qələbə qazanan ağdamlıların təhlükəli hücumları zamanı Rafael Santosun arxa xətdəki oyunu xüsusi diqqət çəkib. Dəfələrlə meydan sahiblərinin zərbəsinin qarşısını alan Dmitri Bezotosnı isə görüşün ən yaxşılarından olub. “Qırmızı-qaralar” isə əks-hücumlar zamanı bir neçə dəfə fərqi artırmaq üçün imkan qazanıb. Lakin hər dəfə müdafiəçilər Mendinin qapıçı ilə təkbətək qalmasına imkan verməyib. Görüşün sonlarında çempionatın lideri təzyiqi artırsa da, “Qəbələ” müdafiədəki etibarlı oyunu ilə ardıcıl ikinci qələbəsini qazanıb. Bu 3 xal həm də “qırmızı-qaralar”ın son çempionla matçlarda ardıcıl 2-ci uğuru olub.
Beləliklə, xal hesabını 28-ə çatdıran “Qəbələ” turnir cədvəlində 5-ci pilləyə yüksəlib.
“Qarabağ”
13. İbrahim Şehiç
2. Qara Qarayev
5. Maksim Medvedev
9. Reynaldo Silva
10. Muarem Muarem
14. Rəşad Sadıqov (k)
20. Riçard Almeyda
25. Ansi Aqolli
55. Bədavi Hüseynov
77. Cavid Tağıyev
99. Namiq Ələsgərov
(17. Vüqar Nadirov, 65)
Ehtiyat oyunçular:
1. Fərhad Vəliyev
6. Hacı Əhmədov
7. Namiq Yusifov
11. Danilo Dias
18. İlqar Qurbanov
24. Admir Teli
Baş məşqçi: Qurban Qurbanov
“Qəbələ”
22. Dmitri Bezotosnı
4. Elvin Camalov
9. Viktor Mendi
(18. Ruslan Fomin, 90+1)
10. Dodo
(32. Mixail Sivakov, 87)
15. Ruslan Abışov (k)
16. Ruslan Tağızadə
19. Aleksey Qay
27. Bəxtiyar Soltanov
34. Ürfan Abbasov
44. Rafael Santos
90. Ekiqo Ehiosun
Ehtiyat oyunçular:
30. Anar Nəzirov
5. Sadiq Quliyev
17. Qismət Alıyev
20. Rikardinyo
99. Tellur Mütəllimov
Baş məşqçi: Roman Qriqorçuk
