“Qəbələ” – “Neftçi” – 1:3
15 fevral 2015. Saat 18:00. Qəbələ şəhər stadionu, 1500 tamaşaçı
Baş hakim: Elvin Əsgərov
Baş hakimin köməkçiləri: Namiq Hüseynov, Mübariz Haşımov
Dördüncü hakim: Zeynal Zeynalov
Əlavə köməkçi hakimlər: Əliyar Ağayev, Ramil Əhmədov
AFFA nümayəndəsi: Abbas Hüseynov
Hakim-inspektor: Füzuli Nəcəfov
Sarı vərəqələr: Viktor Mendi, 45 (hakimi aldatmağa cəhd) // Erik Ramos, 32 (hakim qərarına etiraz); Mirhüseyn Seyidov, 45+1 (qeyri-idman hərəkəti); Emin Mehdiyev, 87 (meydançaya icazəsiz daxil olduğu üçün); Julius Vobay, 88 (qeyri-idman hərəkəti)
Qollar: Viktor Mendi, 10 // Julius Vobay, 58; Denis Silva, 71; Flavinyo, 87
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXII turun oyunları keçirilib. “Qəbələ” öz meydanında “Neftçi”ni qəbul edib. “Qırmızı-qaralar”ın baş məşqçisi Roman Qriqorçuk ötən turun “Simurq”la oyunu ilə müqayisədə start heyətində 4 dəyişikliyə ehtiyac duyub. Həmin qarşılaşmada meydana sonradan daxil olanlar – Anar Nəzirov, Dodo, Ekiqo Ehiosun, həmçinin Zaqataladakı görüşdə iştirak etməyən Bəxtiyar Soltanov ilk dəqiqələrdən “11-lik”də yer alıb. Sonuncu ön xətt oyunçusu olsa da, paytaxt təmsilçisi ilə matça sol cinah müdafiəçisi kimi çıxıb. Əvəzində Ürfan Abbasov, Ruslan Fomin və Rəşad Sadiqov ehtiyatda qalıb. Dmitri Bezotosnı isə cəzalı olduğu üçün “18-liy”ə daxil edilməyib.
Oyun qarşılıqlı hücumlarla başlasa da, “Qəbələ” tezliklə üstünlüyü ələ alıb. Bunun nəticəsi olaraq, qonaqlar bir neçə dəfə “qırmızı-qaralar”ın qarşısını qayda pozuntusu ilə almağa məcbur oldu. 10-cu dəqiqədə isə komandamız istəyinə çatdı. Sol cinahdan irəliləyən Dodonun qapı önünə ötürməsini Viktor Mendi dəqiq zərbə ilə tamamladı – 1:0. Qoldan sonra qonaqlar xeyli fəallaşsa da, Nəzirovun qapısı önündə real təhlükə yarada bilməyib. Düzdür, fasilə ərəfəsində qolkiper bir neçə dəfə oyuna daxil olub. Həmin epizodlarda əlcək sahibi etibarlı çıxış edib. “Qəbələ”nin təşkil etdiyi sürətli əks-hücum isə daha təhlükəli olub. Sol cinahdan irəliləyən Mendi qapıçı ilə təkbətək çıxıb, cərimə meydanına daxil olmağa yaxın olsa da, seneqallı yıxılaraq, topa dəqiq zərbə vura bilməyib.
İkinci hissəyə “Qəbələ” daha fəal başlayıb. Meydan sahiblərinin qarşısını iki dəfə kobudluqla alan “Neftçi”nin qapısına təyin olunan cərimə zərbələri yaddaqalan olub. Lakin “qırmızı-qaralar” fərqi artıra bilməyib. Oyunun axarını dəyişməyə müvəffəq olan “Neftçi” matçın 58-ci dəqiqəsində bərabərlik qolunu vura bilib. Bakılıların heyətində Julius Vobay fərqlənib – 1:1. Buraxılan qoldan sonra ərazi üstünlüyünə yiyələnən “Qəbələ” 68-ci dəqiqədə qol vurmağa yaxın olub. Lakin Aleksey Qayın təhlükəli zərbəsini qolkiper dəf edib. 2 dəqiqə sonra komandamız qapısında daha bir qol görüb. Künc zərbəsindən sonra Denis Silva fərqlənib – 1:2. Bundan sonra qarşılıqlı hücumlarla davam edən matçda növbəti qolu da bakılılar vurub. “Qırmızı-qaralar”ın qapısına 3-cü qolu Flavinyo vurub – 1:3. Bundan sonra da rəqib qapısına hücumlar təşkil edən “Qəbələ”nin heyətində Ekiqo Ehiosunun fəallığı diqqət çəkib. Lakin bu da qol vurmaq üçü kifayət etməyib.
Beləliklə, “Qəbələ” hesabı açdığı qarşılaşmada məğlub olub – 1:3.
“Qəbələ”
30. Anar Nəzirov
4. Elvin Camalov
(5. Sadiq Quliyev, 88)
9. Viktor Mendi
10. Dodo
(6. Rəşad Sadiqov, 81)
14. Cavid Hüseynov
(18. Ruslan Fomin, 81)
15. Ruslan Abışov (k)
19. Aleksey Qay
27. Bəxtiyar Soltanov
32. Mixail Sivakov
44. Rafael Santos
90. Ekiqo Ehiosun
Ehtiyat oyunçular:
55. Cavidan Quluzadə
16. Ruslan Tağızadə
26. Pavol Farkaş
34. Urfan Abbasov
Baş məşqçi: Roman Qriqorçuk
“Neftçi”
1. Aqil Məmmədov
2. Karlos Kardozo
3. Denis Silva
7. Araz Abdullayev
(21. Samir Məsimov, 60)
9. Flavinyo (k)
10. Julius Vobay
11. Nikolas Kanales
(22. Rauf Əliyev, 81)
15. Erik Ramos
16. Əziz Quliyev
19. Mirhüseyn Seyidov
(18. Kaue da Silva, 83)
27. Məqsəd İsayev
Ehtiyat oyunçular:
30. Saşa Stamenkoviç
5. Elvin Yunuszadə
17. Rəhman Hacıyev
28. Emin Mehdiyev
Baş məşqçi: Arif Əsədov
