“Kəpəz” - “Qəbələ” 0:1
20 may 2016. Saat 17:00.Gəncə şəhər stadionu, 9600 tamaşaçı
Baş hakim: Rəhim Həsənov
Baş hakimin köməkçiləri: Vaqif Musayev, Namiq Hüseynov
Dördüncü hakim: İnqilab Məmmədov
AFFA nümayəndəsi: Nüvər Xasıyev
Hakim-inspektor: Füzuli Nəcəfov
Sarı vərəqələr: Budaq Nəsirov, 17 (qeyri-idman hərəkəti); Şəhriyar Rəhimov, 88 (qeyri-idman hərəkəti) // Asif Məmmədov, 17 (qeyri-idman hərəkəti); Samir Zərgərov, 27 (qeyri-idman hərəkəti); Aleksey Antonov, 39 (qeyri-idman hərəkəti); Vitali Vernidub, 80 (qeyri-idman hərəkəti); Aleksey Qay, 90+1 (qeyri-idman hərəkəti)
Qollar: Aleksey Qay, 76
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXXVI turun oyunları keçirilir. 2015/2016 mövsümünün sonuncu turunda “Qəbələ” “Kəpəz”lə görüşüb. Ardıcıl 3-cü dəfə bürünc medala yiyələnmək şansı olan “qırmızı-qaralar” meydana qələbə iddiası ilə çıxıb. Baş məşqçi Roman Qriqorçuk ötən turun AZAL-la oyunu ilə müqayisədə start heyətində bir dəyişiklik etməyə məcbur olub. Cəzalı Ermin Zetsin yoxluğunda Aleksey Antonov ilk “11-liy”ə qayıdıb. Hər iki komanda matça fəal başlasa da, “Qəbələ” üstünlüyü ələ ala bilib. Ardıcıl hücumlar təşkil edən “qırmızı-qaralar” rəqib qapısına təzyiqi artırıb. Lakin “çərçivə”yə dəqiq zərbə vurmaqda çətinlik çəkən komandamız fasiləyədək hesabı aça bilməyib.
İkinci hissədə də matçın ssenarisi dəyişməyib. Ərazi üstünlüyünü davam etdirən qonaqlar “Kəpəz”in qapısına təzyiqi daha da artırıb. İlk yarı ilə müqayisədə qapıya da daha çox zərbə endirən “Qəbələ”nin fərqlənməsinə rəqib qapıçısı və qeyri-dəqiqlik imkan verməyib. Komandamızın fəallığı 76-cı dəqiqədə öz bəhrəsini verib. Aleksey Qay “qırmızı-qaralar”ın hücumunu qolla tamamlayıb. Bu, onun cari mövsümdə 10-cu qolu olub. Çempionatda “Qəbələ”nin ən məhsuldar oyunçusu olan ukraynalı yarımmüdafiəçinin dəqiq zərbəsi matçın taleyini həll edib. Buraxılan qoldan sonra meydan sahibləri fəallaşsa da, “qırmızı-qaralar” qələbə hesabını əldən verməyiblər. Beləliklə, xal hesabını 59-a çatdıran “Qəbələ” ardıcıl 3-cü dəfə mövsümü bürünc medalla başa vurub.
“Kəpəz”
88. Tadas Simaitis
18. Tural Axundov (k)
25. Şəhriyar Əliyev
3. Tərlan Quliyev
13. Şəhriyar Rəhimov
8. Budaq Nəsirov
5. Kərim Diniyev
(6. Ceyhun Cavadov, 47)
19. Orxan Əliyev
80. Tural Rzayev
7. Junior Osvaldo
27. Bəxtiyar Soltanov
Ehtiyat oyunçular:
1.Eyyub Əliyev
15. Azad Kərimov
23. Tural Nərimanov
4. Elvin Cəbrayılov
21. Xəzər Qəribov
98. Elcan Rəhimov
Baş məşqçi: Şahin Diniyev
“Qəbələ”
22. Dmitri Bezotosnı
3. Vojislav Stankoviç
6. Rəşad Sadiqov (k)
(32. Rəşad Eyyubov, 56)
11. Asif Məmmədov
15. Vitali Vernidub
19. Aleksey Qay
20. Rikardinyo
(8. Məhəmməd Mirzəbəyov, 64)
25. Qismət Alıyev
34. Ürfan Abbasov
66. Samir Zərgərov
69. Aleksey Antonov
Ehtiyat oyunçular:
33. David Pietrzkeviç
5. Pavel Paşayev
13. Murad Musayev
77. Ehtiram Şahverdiyev
97. Roman Hüseynov
Baş məşqçi: Roman Qriqorçuk
