“Qəbələ” – “İnter” - 4:3
24 aprel 2017. Saat 14:30. Qəbələ şəhər stadionu, 1600 tamaşaçı
Baş hakim: Rauf Cabbarov
Baş hakimin köməkçiləri: Nahid Əliyev, Vüsal Qənbərov
Dördüncü hakim: Ziya Nəsirov
AFFA nümayəndəsi: Eldar Qasımov
Hakim-inspektor: Şahin Cəfərov
Sarı vərəqələr: Daniel Subotiç, 67 (qeyri-idman hərəkəti); Rəşad Sadiqov, 70 (qeyri-idman hərəkəti)
Qollar: Rikardinyo, 14; Sergey Zenyov, 26; Adrian Skarlatake, 33 (ö.q); Tellur Mütəllimov, 90+1 // Rauf Əliyev, 3, 78 Elnur Abdullayev, 72
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXVII tura yekun vurulub. Turun son oyun günündə 1 qarşılaşma baş tutub. Gümüş medal uğrunda mübarizə aparan “Qəbələ” ən yaxın izləyicisi “İnter”lə qarşılaşıb. Son tur ərəfəsində 2-ci yeri təmin etmək üçün meydana çıxan “qırmızı-qaralar”ın heyətində ötən turla müqayisədə 3 dəyişiklik olub. Bu dəfə Nika Kvekveskiri, Cavid Hüseynov və Ürfan Abbasov ilk dəqiqələrdən meydana çıxıb. Rasim Ramaldanov, Baqali Dabo və Rəşad Eyubov isə “11-lik”dən kənar qalıb.
“Qəbələ” oyuna fəal başlasa da, hesabı qonaqlar açıb. Əks-hücumda erkən qola sevinən “İnter” Rauf Əliyevin qolu ilə önə keçib. Sol cinahdan sürətlə cərimə meydanına daxil olan hücumçu matçda hesabı açıb – 0:1. Daha bir dəfə sürətli əks-hücumda fərqlənmək imkanı olan Əliyev topu qapının yanından vurub. Topa nəzarət edən “Qəbələ” az keçməmiş üstünlüyünü qola çevirib. Nika Kvekveskirinin iki müdafiəçinin arasından ötürdüyü topa yiyələnən Rikardinyo hesabda tarazlığı bərpa edib – 1:1. Ardınca Sergey Zenyov iki epizodda qola yaxın olub. Lakin estoniyalı hər iki imkanı boşa verib. Hissənin ortalarında qapıçı ilə üz-üzə qalan Cavid Hüseynov imkandan yararlana bilməyib. Aut atışı ilə başlayan hücum zamanı isə “qırmızı-qaralar” hesabda önə keçə bilib. Rikardinyonun sol cinahdan zərbəsi alınmasa da, Zenyov təkrar zərbə ilə fərqlənib – 2:1. Çox keçmədən “Qəbələ” daha bir qol vurmağı bacarıb. Zenyovun aşırma zərbəsini qapı xəttinin üzərindən qaytaran Adrian Skarlatake təkrar zərbə zamanı avtoqol müəllifi olub – 3:1. Bu topdan sonra da üstünlüyünü davam etdirən “qırmızı-qaralar” qonaqların arabir əks-hücum cəhdlərinin qarşısını da inamla alıb.
Qarşılaşmanın ikinci hissəsi güclü yağış altında başlayıb. “Qəbələ” üstünlüyünü davam etdirsə də, fərqi artırmaq imkanlarını qaçırıb. Filip Ozobiçin cərimə meydanı yaxınlığından endirdiyi zərbədə azacıq dəqiqlik çatmayıb. “Qırmızı-qaralar” meydanın mərkəzinə nəzarət etdiyindən bakılılar hücum qurmaqda çətinlik çəkib. Buna baxmayaraq, “İnter” iki qol vurub hesabda tarazlıq yaratmağa müvəffəq olub. Öncə Elnur Abdullayev uzaqdan zərbə ilə fərqi minimuma endirib – 3:2. Rauf Əliyevin cərimə meydanı kənarından zərbəsindən sonra isə hesabda tarazlıq yaranıb. Düzdür, bu iki qol arasında olan zaman kəsiyində Məhəmməd Mirzəbəyovun uzaq məsafədən zərbəsi yaddaqalan, amma qeyri-dəqiq olub. Buna baxmayaraq “Qəbələ” matçın sonlarında qələbə qolunu vura bilib. Sürətlə cərimə meydanına daxil olan Telllur Mütəllimov qarşısıalınmaz zərbə ilə “qırmızı-qaralar”a 3 xal qazandırıb. Bu qol matçda sonuncu olub və “Qəbələ” mövsümün son ev oyunundan qələbə ilə ayrılıb – 4:3.
Beləliklə, xal hesabını 52-yə çatdıran Roman Qriqorçukun yetirmələri 2-ci yeri təmin edib. Qarşılaşmadan sonra Qəbələ şəhər stadionunda mükafatlandırma mərasimi keçirilib. “İnter” bürünc, “Qəbələ” isə tarixinin ilk gümüş medallarına qovuşub.
“Qəbələ”
22. Dmitri Bezotosnı
3. Vojislav Stankoviç
6. Rəşad Sadiqov
7. Nika Kvekveskiri
9. Sergey Zenyov
(31. Daniel Subotiç, 57)
14.Cavid Hüseynov (k)
19. Filip Ozobiç
20. Rikardinyo
34. Ürfan Abbasov
(17. Məhəmməd Mirzəbəyov, 55)
77. Araz Abdullayev
88. Tellur Mütəllimov
Ehtiyat oyunçular:
33. David Pietrzkeviç
8. Qismət Alıyev
10. Ruslan Qurbanov
18. Baqali Dabo
44. Rafael Santos
Baş məşqçi: Roman Qriqorçuk
“İnter”
13. Orxan Sadıqlı
14. Zurab Xizanişvili
3. Denis Silva
27. Adrian Skarlatake
(66. Murad Qayalı, 73)
22. İlkin Qırtımov
2. Sertan Taşkın
(65. Cabir Əmirli, 68)
10. Elnur Abdullayev
88. Məmməd Quliyev
7. Mirsahib Abbasov
(98. Qara Qarayev, 77)
9. Pərdis Fərcad-Azad
11. Rauf Əliyev (k)
Ehtiyat oyunçular:
16. Şahin Zəkiyev
20. Aqşin Quluzadə
Baş məşqçi: Zaur Svanadze
