Azərbaycan kubokunun 1/4 final mərhələsinin ilk oyunlarının təyinatları açıqlanıb. Dekabrın 15-16-da keçiriləcək qarşılaşmaları idarə edəcək hakimlər, onların işinə qiymət verəcək hakim-inspektorlar, həmçinin AFFA nümayəndələri müəyyənləşib. “Qəbələ”nin “Sabah”la ev oyununun təyinatları da bəlli olub. Dekabrın 16-da keçiriləcək görüşü Rəvan Həmzəzadə idarə edəcək. Qəbələ şəhər stadionundakı matçda ona Yaşar Abbasovla Cəmil Quliyev kömək edəcək. Dördüncü hakim funksiyasını İnqilab Məmmədov yerinə yetirəcək. AFFA nümayəndəsi Eldar Qasımov, hakim-inspektor isə Fazil Mürşüdov olacaq.
Xatırladaq ki, “Qəbələ” – “Sabah” oyunu saat 14:00-da başlayacaq.
Azərbaycan kuboku
1/4 final, ilk oyun
16 dekabr (bazar)
14:00. “Qəbələ” – “Sabah”
Hakimlər: Rəvan Həmzəzadə, Yaşar Abbasov, Cəmil Quliyev, İnqilab Məmmədov
AFFA nümayəndəsi: Eldar Qasımov
Hakim-inspektor: Fazil Mürşüdov
Qəbələ şəhər stadionu
