Azərbaycan kubokunun 1/4 final mərhələsinin ilk oyunlarına təyinatlar açıqlanıb. Dekabrın 10-11-də baş tutacaq qarşılaşmaları idarə edəcək hakimlər, həmçinin hakim-inspektorlar və AFFA nümayəndələri müəyyənləşib. “Qəbələ”nin “Səbail”lə ayın 11-də keçiriləcək ev oyununu Rəvan Həmzəzadə idarə edəcək. Bu qarşılaşmada onun köməkçiləri Rza Məmmədovla Vüsal Qənbərov olacaq. Elvin Əsgərov isə matçın dördüncü hakimi funksiyasını yerinə yetirəcək. Oyunda Rövşən Əhmədov hakim-inspektor, Eldar Qasımov AFFA nümayəndəsi olacaq.
Xatırladaq ki, dekabrın 11-də baş tutacaq görüş Qəbələ şəhər stadionunda keçiriləcək. Matç saat 16:00-da başlayacaq.
Azərbaycan kuboku
1/4 final, ilk oyun
11 dekabr (bazar ertəsi)
16:00. “Qəbələ” – “Səbail”
Baş hakim: Rəvan Həmzəzadə
Baş hakimin köməkçiləri: Rza Məmmədov, Vüsal Qənbərov
Dördüncü hakim: Elvin Əsgərov
AFFA nümayəndəsi: Eldar Qasımov
Hakim-inspektor: Rövşən Əhmədov
Qəbələ şəhər stadionu
