“Qarabağ” – “Qəbələ” – 4:1
23 sentyabr 2018. Saat 20:30. “Azersun Arena”, 2300 tamaşaçı
Baş hakim: Əliyar Ağayev
Baş hakimin köməkçiləri: Zeynal Zeynalov, Rza Məmmədov
Dördüncü hakim: Ziya Nəsirov
Hakim-inspektor: Məhəmməd Məmmədov
AFFA nümayəndəsi: Sakin Məmmədzadə
Sarı vərəqələr: Qara Qarayev, 89 (qeyri-idman hərəkəti); Rəşad Sadıqov, 90+2 (meydançaya icazəsiz daxil olduğuna görə); Yakub Jezniçak, 90+2 (qeyri-idman hərəkəti) // Voislav Stankoviç, 45 (qeyri-idman hərəkəti); Urfan Abbasov, 86 (qeyri-idman hərəkəti)
Qırmızı vərəqə: Təmkin Xəlilzadə, 90+2 (rəqibi ayaqla vurduğuna görə)
Qollar: Abdullah Zubir, 30, 73; Araz Abdullayev, 45+1; Con Delarj, 61 // Rasim Ramaldanov, 90
Artırılan vaxt: I hissədə 1 dəq.; II hissədə 2 dəq.
Bu gün Topaz Premyer Liqasında V tura yekun vurulub. Turun son qarşılaşması Bakıdakı “Azərsun Arena”da keçirilib. Ötən mövsüm çempionatı ilk iki pillədə başa vuran “Qarabağ”la “Qəbələ” Ağdam təmsilçisinin meydanında üz-üzə gəlib. “Qırmızı-qaralar”ın baş məşqçisi Sənan Qurbanov görüşə ötən turla müqayisədə iki dəyişikliklə başlayıb. Komandamızın kapitanı Cavid Hüseynovla Stiven Monroz ilk dəqiqələrdən meydana çıxıb. “Sabah”la görüşdə start heyətində yer alan Rauf Əliyevlə Lalavele Atakora “11-lik”dən kənarda qalıb.
Görüş “qırmızı-qaralar” üçün yaxşı başlamayıb. Artıq 7-ci dəqiqədə zədələnən Elvin Camalov matçı davam etdirə bilmədiyindən əvəzlənib. Qısa kəşfiyyatla başlayan oyunda topa nəzarəti ələ alan meydan sahibləri daha çox hücum edib. Görüşdə hesab 30-cu dəqiqədə açılıb. Abdullah Zubir “Qarabağ”ı önə çıxarıb. Buraxılan qoldan sonra fəallaşan “Qəbələ”nin bir neçə hücumu yaddaqalan olub. Bu epizodların birində Stiven Monrozun yaxın küncə zərbəsini qapıçı zərərsizləşdirib. Hissənin sonlarında Ağdam təmsilçisi Araz Abdullayevin cərimə zərbəsi ilə fərqi artırıb – 2:0.
“Qəbələ” ikinci hissəyə daha fəal başlayıb. “Qırmızı-qaralar” ardıcıl hücumlar təşkil edib ki, bunların birində Monrozun zərbəsi yaddaqalan olub. Onun tirin altına göndərdiyi topu qapıçı çıxarıb. Hissənin ilk yarısında əks-hücumlara üstünlük verən meydan sahibləri 61-ci dəqiqədə Con Delarjın qolu ilə fərqi artırıb – 3:0. Az sonra ağdamlıların sürətli həmləsi zamanı komandamız daha bir top buraxıb. Bu dəfə Zubir dublunu rəsmiləşdirib – 4:0. Hakimin final fitinə 6 dəqiqə qalmış Rauf Əliyev əlverişli imkan əldə etsə də, qapını tərk qolkiper onun zərbə endirməsinə mane olub. Lakin “Qəbələ” səfərdə qol vurmağı bacarıb. Qarşılaşmanın son dəqiqəsində Təmkin Xəlilzadənin ardıcıl iki künc zərbəsi Rasim Ramaldanovun başla toxunuşu ilə nəticələnib. İlk zərbəni rəqib küncə çıxarıbsa, ikinci vəziyyətdə Rasim fərqi azalda bilib – 1:4. Matça artırılan dəqiqələrində isə Təmkin hücum zamanı qırmızı vərəqə ilə cəzalanıb.
Beləliklə, “Qəbələ” səfərdən xalsız ayrılıb.
“Qarabağ”
12. Şahruddin Məhəmmədəliyev
4. Rahil Məmmədov
8. Markos Madera
(11. Mahir Mədətov, 68)
9. Araz Abdullayev
(19. Filip Ozobiç, 65)
17. Abdullah Zubir
21. Hacıağa Hacılı
25. Ansi Aqolli (k)
28. Con Delarj
30. Abbas Hüseynov
52. Yakub Jezniçak
91. Coşqun Diniyev
(2. Qara Qarayev, 56)
Ehtiyat oyunçular:
1. Hannes Halldorsson
13. Vaqner da Silva
7. İnnosent Emeqara
18. İsmayıl İbrahimli
22. Rövlan Muradov
55. Bədavi Hüseynov
77. Donald Qerye
14. Rəşad Sadıqov
Baş məşqçi: Qurban Qurbanov
“Qəbələ”
22. Dmitri Bezotosnı
3. Voislav Stankoviç
4. Elvin Camalov
(11. Asif Məmmədov, 7)
(5. Rasim Ramaldanov, 76)
14. Cavid Hüseynov (k)
17. Ceyms Adeniyi
(10. Rauf Əliyev, 67)
18. İlqar Qurbanov
27. Bəhlul Mustafazadə
28. Stiven Monroz
33. Təmkin Xəlilzadə
34. Urfan Abbasov
88. Sabien Lilay
Ehtiyat oyunçular:
23. Aqil Məmmədov
35. Murad Popov
7. Roman Hüseynov
8. Qismət Alıyev
21. Lalavele Atakora
26. Faiq Hacıyev
32. Amin Seydiyev
79. Əli Sadıxov
99. Abbas Ağazadə
Baş məşqçi: Sənan Qurbanov
