“Turan Tovuz” – “Qəbələ” – 2:1
Aleks Souza, 43, Ayxan Quseynov, 55 – Bilel Auaşeriya, 77
“Qəbələ” növbəti oyununu keçirib. “Qırmızı-qaralar” Misli Premyer Liqasının XXII turunda “Turan Tovuz”la qarşılaşıb. Komandamızın səfər matçı Tovuz şəhər stadionunda baş tutub.
“Qəbələ” kubokda “Araz-Naxçıvan”a qarşı keçirdiyi son oyunla müqayisədə meydana üç dəyişikliklə çıxıb. Asif Məmmədov, Ülvi İsgəndərov və Lukas Afriko start heyətində yer alıblar. Onlar İlkin Qırtımov, Feras Abu Akal və Əyyub Allaşı əvəzləyiblər.
Qarşılıqlı hücumlarla başlayan görüşdə hər iki komanda təhlükəli epizodlar yaradıb. Lakin hesab yalnız fasilə ərəfəsində açılıb. Meydan sahibləri Aleks Souzanın qolu ilə önə keçib.
Komandamız ikinci hissədə oyunda dönüş yaratmağa çalışsa da, istəyinə çatmayıb. Rəqib fasilədən az sonra ikinci dəfə fərqlənməyə nail olub. Fərqi azaltmağa çalışan “qırmızı-qaralar” toplardan birinin əvəzini çıxıb. 77-ci dəqiqədə istəyinə çatıb. Bilel Auaşeriya tovuzluların qapısına yol tapıb. Beləliklə, komandamız səfərdən xalsız ayrılıb.
Qeyd edək ki, XXIII turun “Qarabağ”la oyunu təxirə salındığı üçün “Qəbələ” növbəti matçını fevralın 23-də keçirəcək. XXIV turun “Kəpəz”lə səfər görüşü Qəbələ şəhər stadionunda baş tutacaq. Qarşılaşma saat 17:00-da başlayacaq.
