“Qəbələ” – “Sumqayıt” – 1:0
21 sentyabr 2015. Saat 21:00. Qəbələ şəhər stadionu, 2000 tamaşaçı
Baş hakim: Ömər Paşayev
Baş hakimin köməkçiləri: Vaqif Musayev, Cavanşir Yusifov
Dördüncü hakim: Nail Nağıyev
AFFA nümayəndəsi: Mübariz Hüseynov
Hakim-inspektor: Məhəmməd Məmmədov
Sarı vərəqələr: Elvin Camalov, 69 (qeyri-idman hərəkəti); Ruslan Abışov, 80 (qeyri-idman hərəkəti); Rəşad Sadiqov, 82 (qeyri-idman hərəkəti) // Cəmil Hacıyev, 84 (perspektivli hücumun qarşısını kəsdiyinə görə); Tural Rzayev, 90+1 (qeyri-idman hərəkəti)
Qollar: Aleksey Qay, 90+2 (p.)
Artırılan vaxt: I hissədə 2 dəq.; II hissədə 5 dəq.
Bu gün Topaz Premyer Liqasında V tura yekun vurulub. Digər oyunları ötən həftə keçirilən turun son qarşılaşması Qəbələdə baş tutub. “Qırmızı-qaralar” öz meydanında “Sumqayıt”la qarşılaşıb. Baş məşqçi Roman Qriqorçuk ötən turun “İnter”lə qarşılaşması ilə müqayisədə start heyətində bəzi dəyişiklikləri zəruri sayıb. Belə ki, Vitali Vernidub, Andrey Popoviç, Arif Daşdəmirov və Sergey Zenyov ehtiyatda qalıb. Əvəzində Dmitri Bezotosnı və Məhəmməd Mirzəbəyov bir turluq fasilədən sonra “11-liy”ə qayıdıb. Fakundo Pereyra ilk dəfə start heyətində yer alıbsa, qısa fasilədən sonra komandamıza qayıdan Ruslan Abışov ilk matçına çıxıb. İndiyədək “Gənclik şəhəri” təmsilçisi ilə evdə keçirdiyi bütün qarşılaşmalarda qalib gələn “Qəbələ” bu dəfə də ilk dəqiqələrdən üstünlüyü ələ alıb. Topa nəzarət edən komandamız qonaqların qapısı önündə təhlükəli epizod yaratmaqda çətinlik çəkib. Müdafiəyə qapanan sumqayıtlıların müqavimətini qırmağa çalışan “qırmızı-qaralar”ın qapıya ünvanlandığı zərbələrdə dəqiqlik çatmayıb. Belə epizodların birində Pereyranın qapıçının üzərindən aşırdığı zərbə isə tirin üstündən keçib. Argentinalı hissənin ortalarına daha bir dəfə qonaqların qapısı önündə gərginlik yaradıb. Aleksey Antonovun ötürməsindən sonra onun cərimə meydanı daxilindən başla endirdiyi güclü zərbəni rəqib qapıçı küncə çıxarıb.
İkinci hissəyə də “Qəbələ” daha fəal başlayıb. Cinah ötürməsindən sonra Aleksey Qayın “çərçivə”yə göndərdiyi topu qapıçı tutub. Az sonra sol cinahdan qapıya paralel ötürməni qapayan olmayıb. “Sumqayıt”ın ardıcıl əks-hücumları zamanı isə Dmitri Bezotosnı iki dəfə Pərdis Fərcad-Azadın zərbələrini dəf edib. Əvəzetmələr hesabında oyunda dönüş yaratmağa çalışan Qriqorçukun meydana buraxdığı Sergey Zenyovla Ermin Zetsin ön xətdəki fəallığı bir neçə təhlükənin yaranması ilə nəticələnib. Sonuncunun yaxın məsafədən zərbəsini qapıçı dəf edib. Zenyovun uzaq məsafədən zərbəsini qapıçının qaytardığı epizodda Zets fərqlənsə də, oyundankənar vəziyyət qeydə alınıb. Görüşün sonlarında “Sumqayıt” qola yaxın olub. Sol cinahdan ötürməni qapıçı meydanında qapayan Uğur Pamukun zərbəsini Bezotosnı çətinliklə küncə çıxarıb. Qarşılaşmanın taleyi oyuna artırılmış dəqiqələrdə həll olunub. Cərimə meydanına daxil olan Dodoya qarşı kobudluğa görə qonaqların qapısına penalti təyin edilib. Qay bu imkandan istifadə edərək matçda yeganə qolu vurub. Bununla da komandamızın Premyer Liqada qol vurduğu ardıcıl oyunların sayı 18-ə çatıb.
Beləliklə, mövsümdə 3-cü qələbəsini qazanan “Qəbələ” xal hesabını 10-a çatdırıb.
“Qəbələ”
22. Dmitri Bezotosnı
3. Vojislav Stankoviç
4. Elvin Camalov
6. Rəşad Sadiqov
8. Məhəmməd Mirzəbəyov
10. Dodo (k)
19. Aleksey Qay
32. Fakundo Pereyra
(7. Ermin Zets, 69)
34. Ürfan Abbasov
(21. Arif Daşdəmirov, 85)
69. Aleksey Antonov
(9. Sergey Zenyov, 46)
87. Ruslan Abışov
Ehtiyat oyunçular:
1. Andrey Popoviç
15. Vitali Vernidub
25. Qismət Alıyev
88. Derlis Meza Kolli
Baş məşqçi: Roman Qriqorçuk
“Sumqayıt”
1. Şahruddin Məhəmmədəliyev
2. Slavik Alxasov
3. Vurğun Hüseynov (k)
5. Cəmil Hacıyev
(23. Tural Rzayev, 89)
7. Pərdis Fərcad–Azad
8. Nuran Qurbanov
(10. Uğur Pamuk, 69)
13. Murad Ağayev
14. Bəxtiyar Həsənalızadə
15. Nodar Məmmədov
22. Tofiq Mikayılov
55. Ağabala Ramazanov
Ehtiyat oyunçular:
94. Tərlan Əhmədli
6. Mikayıl Rəhimov
24. Amit Quluzadə
39. Emin Mehdiyev
97. Xəyal Nəcəfov
Baş məşqçi: Aqil Məmmədov
