“Qəbələ” – “Sumqayıt” – 1:0
14 fevral 2016. Saat 17:30. Qəbələ şəhər stadionu, 850 tamaşaçı
Baş hakim: Rəvan Həmzəzadə
Baş hakimin köməkçiləri: Yaşar Abbasov, Mehman Mahmudov
Dördüncü hakim: Mahir Məmmədov
AFFA nümayəndəsi: Nüvər Xasıyev
Hakim-inspektor: Əhmədağa Cabbarov
Sarı vərəqələr: Elvin Camalov, 26 (qeyri-idman hərəkəti) // Murad Ağayev, 68 (qeyri-idman hərəkəti); Amit Quluzadə, 84 (qeyri-idman hərəkəti); Cəmil Hacıyev, 88 (qeyri-idman hərəkəti)
Qol: Ermin Zets, 69
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXI turun növbəti oyunları keçirilib. 2016-cı ilin ilk iki oyununu səfərdə keçirən “Qəbələ” doğma stadionda “Sumqayıt”la qarşılaşıb. İndiyədək bu rəqiblə ev oyunlarında xal itirməyən “qırmızı-qaralar” meydana 3 xal iddiası ilə çıxıb. Ötən turun “İnter”lə görüşü ilə müqayisədə komandamızın start heyətində 2 dəyişiklik edilib. Roman Qriqorçuk zədəsini sağaldan Sergey Zenyov, həmçinin Samir Zərgərovu ilk dəqiqələrdən meydana buraxıb. Rəşad Sadiqovla Dodo isə “18-lik”dən kənar qalıb. Sonuncunun yoxluğunda meydana kapitan kimi Aleksey Qay çıxmalı olub.
Mövsümdə ikinci yarısında ilk ev oyununa çıxan “Qəbələ” matça fəal başlayıb. İlk dəqiqələrdən üstünlüyü ələ alan komandamız rəqib qapısına ardıcıl hücumlar təşkil edib. 13-cü dəqiqəyə təsadüf edən ilk təhlükəli epizodda Rəşad Eyyubovla Ermin Zetsin cərimə meydanındakı paslaşması dəqiq zərbə ilə nəticələnməyib. Ardınca isə Elvin Camalovun qüvvətli zərbəsini rəqib qapıçı aşağı küncdən çıxara bilib. Bundan sonra da sumqayıtlıların qolkiperi bir neçə dəfə ustalığını nümayiş etdirib. 27-ci dəqiqədə o, Samir Zərgərovun yaxın məsafədən zərbəsini dəf edib. Fasilə ərəfəsində “Qəbələ” qola yaxın olub. Sol cinahla irəliləyən Zenyovun cərimə meydanına ötürməsini 11 metrlik nöqtənin yaxınlığında qərarlaşan Qay tamamlayıb. Lakin qüvvətli zərbə endirən ukraynalı çərçivəyə düşməyib.
İkinci hissə qarşılıqlı hücumlarla başlasa da, meydan sahibləri üstünlüyü ələ alıb. Zetsin 20 metrdən uzaq küncə ünvanlandığı top dirəyin yanından ötüb. İki rəqibini arxada qoyan Zenyovun növbəti cinah keçidindən sonra isə qonaqların qapıçısı inamlı oynayıb. Eyyubovun cərimə meydanı kənarından zərbəsinin də qarşısını qolkiper alıb. “Qəbələ”nin hücumlarının dəf edən qonaqlar nadir əks-həmlələrdə müdafiəçilərimizi narahat etməyə çalışıb. 65-ci dəqiqədə rəqibdən topu “oğurlayan” Zenyov cərimə meydanınadək irəliləsə də, sonda müdafiəçilərdən sıyrıla bilməyib. Matçın ən fəallarından olan Zenyovun növbəti keçidi isə qolla nəticələnib. 2 müdafiəçini keçib qapıya paralel ötürmə edən estoniyalının göndərdiyi top Zetsin ayağından qapıdan keçib – 1:0. Bu ardıcıl ikinci oyun qol vuran Erminin mövsümdə 5-ci qolu olub. Bosniyalının növbəti qol cəhdinin qarşısını isə qapıçı alıb. Estoniyalının növbəti cinah keçidi təhlükəli alınıb. Lakin Eyyubov zərbəni tamamlaya bilməyib. Sumqayıt təmsilçisinin əks-hücumu zamanı Amil Yunanovun təhlükəli baş zərbəsini isə Dmitri Bezotosnı tutub. Buraxılan qoldan sonra xeyli fəallaşan qonaqları kəskin əks-hücumda yaxalayan Zenyov qapıçı meydanının küncünə qədər irəliləsə də, qolkiperin başı üzərindən dəqiq zərbə endirə bilməyib. Oyunun uzatma dəqiqələrində isə Bezotosnı ardıcıl iki dəfə ustalığını nümayiş etdirib.
Beləliklə, ardıcıl ikinci dəfə minimal hesablı qələbə qazanan “Qəbələ” xal hesabını 34-ə çatdırıb və 3-cü pilləyə yüksəlib. Bununla da komandamız “Sumqayıt”ı 8-ci dəfə əliboş yola salıb.
“Qəbələ”
22. Dmitri Bezotosni
3. Voislav Stankoviç
4. Elvin Camalov
7. Ermin Zets
8. Məhəmməd Mirzəbəyov
9. Sergey Zenyov
19. Aleksey Qay (k)
21. Arif Daşdəmirov
32. Rəşad Eyubov
44. Rafael Santos
66. Samir Zərgərov
(11. Asif Məmmədov, 68)
Ehtiyat oyunçular:
33. David Pietrzkeviç
15. Vitali Vernidub
18. Vadim Abdullayev
20. Rikardinyo
25. Qismət Alıyev
34. Urfan Abbasov
Baş məşqçi: Roman Qriqorçuk
“Sumqayıt”
1. Səlahət Ağayev
2. Slavik Alxasov
3. Vurğun Hüseynov (k)
5. Cəmil Hacıyev
13. Murad Ağayev
(8. Nicat Muxtarov, 87)
14. Bəxtiyar Həsənalızadə
24. Amit Quluzadə
25. Ayaz Mehdiyev
(7. Pərdis Fərcad-Azad, 73)
29. Amil Yunanov
55. Ağabala Ramazanov
70. Vaqif Cavadov
(10. Uğur Pamuk, 66)
Ehtiyat oyunçular:
94. Tərlan Əhmədli
6. Mikayıl Rəhimov
97. Xəyal Nəcəfov
99. Rasim Ramaldanov
Baş məşqçi: Samir Abasov
