“Qəbələ” milli komandaların oyunları ilə əlaqədar yaranan fasilə dövründə hazırlığını davam etdirir. “Qırmızı-qaralar” bu günü bir məşqlə yekunlaşdırıb. Hazırlıq prosesi Bakı Olimpiya Stadionunda baş tutub. Elmar Baxşıyevin rəhbərliyi altında keçən məşq prosesində futbolçular toplu və topsuz çalışmalar icra ediblər.
“Qəbələ” sabah yoxlama oyunu keçirəcək. “Qırmızı-qaralar” “Sumqayıt”la üz-üzə gələcək. Matç Sumqayıtdakı “Kapital Bank Arena”da baş tutacaq. Bu, iki komanda arasında mövsümdə ikinci görüş olacaq. Premyer Liqanın ilk turunda Qəbələdə baş tutan oyunda qonaqlar 2:0 hesabı ilə qalib gəlmişdi.
Xatırladaq ki, milli komandaların heyətində olan futbolçular – Amin Seydiyev, İdris İnqilablı, Rövlan Muradov və Klesio Bauk hazırlıq prosesində iştirak etmirlər.
Yoxlama oyunu
7 sentyabr
18:00. “Sumqayıt” – “Qəbələ”
Sumqayıt. “Kapital Bank Arena” stadionu
