“Sumqayıt” - “Qəbələ” – 0:2
08 may 2015. Saat 18:00. “Kapital Bank Arena”, 1500 tamaşaçı
Baş hakim: Əliyar Ağayev
Baş hakimin köməkçiləri: Rza Məmmədov, Zeynal Zeynalov
Dördüncü hakim: Elvin Əsgərov
AFFA nümayəndəsi: Vaqif Davudov
Hakim-inspektor: Əli Hüseynov
Sarı vərəqələr: Cəmil Hacıyev, 44 (hakim qərarına etiraz); Budaq Nəsirov, 85 (qeyri-idman hərəkəti); Mikayıl Rəhimov, 87 (qeyri-idman hərəkəti) // Elvin Camalov, 11 (qeyri-idman hərəkəti); Ruslan Abışov, 31 (qeyri-idman hərəkəti); Viktor Mendi, 53 (simulyasiya); Ruslan Tağızadə, 63 (qeyri-idman hərəkəti), 83 (qeyri-idman hərəkəti)
Qırmızı vərəqə: Ruslan Tağızadə, 83
Qollar: Aleksey Qay, 39; Viktor Mendi, 41
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXXIII tura start verilib. “Qəbələ” səfərdə “Sumqayıt”la qarşılaşıb. Ötən turun “Qarabağ”la oyunu ilə müqayisədə “qırmızı-qaralar”ın start heyətində yalnız 1 dəyişiklik olub. Cavid Hüseynovun yoxluğunda cəzası başa çatan Elvin Camalov “11-liy”ə qayıdıb. Qarşılaşmada ilk təhlükəli vəziyyət meydan sahiblərinin qapısı qarşısında yaranıb. Lakin Ürfan Abbasovun təhlükəli uzaq zərbəsini qapıçı tuta bilib. Meydan sahibləri isə Murad Ağayevin cərimə zərbəsi zamanı “qırmızı-qaralar”ın qapıçısı Dmitri Bezotosnını narahat edib. Lakin top dirəyin yanından keçib. 15-ci dəqiqədə Aleksey Qayın uzaq zərbəsini meydan sahiblərinin qolkiperi dəf edib. Bundan sonra meydan sahibləri bir müddət üstünlüyə yiyələnsə də, Bezotosnı bir neçə epizodda komandasını xilas edib. Hissənin sonlarında təşəbbüsə yiyələnən “Qəbələ” 3 dəqiqəyə 2 qol vurub. Əvvəl Mendinin qapıya gözəl zərbəsindən sonra qapıçı topu küncə çıxarıb. Künc zərbəsindən sonra Qay baş zərbəsi ilə hesabı açıb. İki dəqiqə sonra Aleksandr Çertoqanovun kobud səhvindən sonra topa yiyələnən Mendi 2-ci qolu vurub.
İkinci hissəyə də fəal başlayan “Qəbələ” hesabı artırmağa yaxın olub. Ekiqo Ehiosunun əldə etdiyi əlverişli epizodda meydan sahiblərini qapıçı xilas edib. Az sonra Mendi cərimə meydanında yıxılsa da, hakim ona qarşı qayda pozuntusu qeydə almayıb. Rikardinyonun ötürməsindən sonra Bəxtiyar Soltanov topa yiyələnmək imkanını qaçırıb. Bundan sonra məğlubiyyətdən qaçmağa çalışan “Sumqayıt” üstünlüyü ələ alıb. Lakin “Qəbələ”nin müdafiə xətti etibarlı oyunu ilə diqqət çəkib. Hissənin ortalarında “qırmızı-qaralar” ardıcıl qol imkanları əldə edib. Amma əvvəl Rikardinyonun baş zərbəsi çərçivəyə düşməyib, az sonra Abbasov Mendinin ötürməsindən yararlana bilməyib. Qarşılıqlı hücumlarla davam edən görüşün sonlarında qonaqlar azlıqda qalıb. İkinci sarı vərəqəsini alan Ruslan Tağızadə meydanı tərk edib. Lakin “Qəbələ” ilk yarıda vurduğu qollarla qazandığı üstünlüyü qoruya bilib.
Beləliklə, məğlubiyyətsiz oyunlar seriyasını 10-a çatdıran “Qəbələ” xal hesabını 50-yə çatdırıb.
“Sumqayıt”
63. Şahruddin Məhəmmədəliyev
2. Slavik Alxasov
3. Vurğun Hüseynov
5. Cəmil Hacıyev
(8. Budaq Nəsirov, 75)
6. Mikayıl Rəhimov
(11.Şahin Əliyev, 90+2)
15. Nodar Məmmədov
17. Pərdis Fərcad-Azad
18. Aleksandr Çertoqanov (k)
22. Tofiq Mikayılov
45. Murad Ağayev
76. Uğur Pamuk
(9. Orxan Əliyev, 61)
Ehtiyat oyunçular:
1. Andrey Popoviç
10. Tərzin Cahangirov
20. Elmin Ağayev
92. Bəxtiyar Həsənalızadə
Baş məşqçi: Aqil Məmmədov
“Qəbələ”
22. Dmitri Bezotosnı
4. Elvin Camalov
(16. Ruslan Tağızadə, 46)
6. Rəşad Sadiqov
9. Viktor Mendi
15. Ruslan Abışov (k)
19. Aleksey Qay
20. Rikardinyo
27. Bəxtiyar Soltanov
34. Ürfan Abbasov
44. Rafael Santos
90. Ekiqo Ehiosun
(18. Ruslan Fomin, 74)
Ehtiyat oyunçular:
30. Anar Nəzirov
5. Sadiq Quliyev
17. Qismət Alıyev
26. Pavol Farkaş
32. Mixail Sivakov
Baş məşqçi: Roman Qriqorçuk
