QƏBƏLƏ FC

AZAL-"Qəbələ" 1:2

19 fevral 2014. Saat 15:00. AZAL Arena stadionu. 500 tamaşaçı

Baş hakim: Rəhim Həsənov

Baş hakimin köməkçiləri: İsgəndər Əliyev, Elşən Acalov

Dördüncü hakim: Ramiz Məhərrəmov

AFFA nümayəndəsi: Adil Nadirov

Hakim-inspektor: Əli Hüseynov

Sarı vərəqələr: Samuel Barlay, 45+1 (qeyri-idman hərəkəti); Şəhriyar Rəhimov, 69 (qeyri-idman hərəkəti) // Nizami Hacıyev, 45 (qeyri-idman hərəkəti) 

Qollar: Nedo Turkoviç, 39 (p.) // Daniel Subotiç, 44; Şəhriyar Rəhimov, 71 (öz qapısına) 

Artırılan vaxt: I hissədə - 1 dəq.; II hissədə - 3 dəq.

Premyer Liqanın XXII turunda "Qəbələ" səfərdə AZAL-la qarşılaşdı. Son iki turda doğma meydançada məğlubiyyətlə barışan "qırmızı-qaralar" üçün sözügedən matç liderlər qrupunda yerini qorumaq baxımından mühüm əhəmiyyət kəsb edirdi. İlk iki dövrədə "təyyarəçilər"i məğlub edən Yusi Syominin yetirmələri yenə qələbə qazanmaq əzmində idilər. 

Matç tərəflərin ehtiyatlı hücumları ilə start götürdü. Biraz irəliyə gedib oyun boyunca azarkeşlərin qapılar önündə az sayda təhlükəli epizod izlədiklərini söyləmək olar. Qarşılaşmada hesab 39-cu dəqiqədə açıldı. Nedo Turkoviç qonaqların qapısına təyin olunan penaltini dəqiq yerinə yetirdi. Qoldan sonra irəli atılan "qırmızı-qaralar" 5 dəqiqə sonra status-kvonu bərpa etdilər. Nizami Hacıyevin sağ cinahdan ötürməsini Daniel Subotiç başla qapıya göndərdi və qollarının sayını 10-a çatdırdı.

İkinci hissə də eyni məcrada davam etdi. Matçın taleyini həll edən qol 71-ci dəqiqədə gəldi. Künc zərbəsindən Leonardonun birbaşa qapıya ünvanladığı top Şəhriyar Rəhimova toxunaraq qapı xəttini keçdi. Matçın qalan dəqiqələrində hesabı qorumağa müvəffəq olan qonaqlar mövsümün 3-cü duelində də AZAL-ı məğlub etməyi bacardı. 

Xatırladaq ki, ilk dövrədəki oyunda da  "Qəbələ" hesabda geri düşməsinə baxmayaraq, yekunda 2:1 hesabilə əzmkar qələbə qazanmışdı.

AZAL

1. Ruslan Məcidov

3. Aleksandr Şemonayev 

4. Junior Ailton

7. Cavid Tağıyev

(5. Murad Ağayev, 86)

10. Con Oluremi

15. Oskars Klava

17. Viktor İqbekoyi (k)

18. Samuel Barlay

(22. Axtam Xamrakulov, 83)

20. Branislav Arsenyeviç

31. Şəhriyar Rəhimov

(27. Rəşad Abdullayev, 75)

89. Nedo Turkoviç

Ehtiyat oyunçular:

12. Cahangir Həsənzadə

8. Qərib İbrahimov

23. Tural Nərimanov

32. Laşa Kasiradze

Baş məşqçi: Vaqif Sadıqov

“Qəbələ”

1. Kamran Ağayev

6. Volodimir Levin (k) 

8. Nizami Hacıyev 

(7. Marat İzmaylov, 46)

9. Viktor Mendi 

10. Luis Hilario  

14. Lorenzo Ebesilio

16. Ruslan Tağızadə

31. Daniel Subotiç 

36. Elnur Allahverdiyev

42. Leonardo da Silva 

(3. Nikola Valentiç, 81)

44. Rafael Santos

Ehtiyat oyunçular:

27. David Pietrzkeviç

4. Amit Quluzadə

11. Yannik Kamanan 

19. Abdulvahid Afolabi

34. Ürfan Abbasov

Baş məşqçi: Yuri Syomin