«Qəbələ» tamamlayır, Bakıya yola düşür
Xəbərlər / 13 Sentyabr 2013 | 10:30245
Sentyabrın 15-i Premyer Liqanın VI turu çərçivəsində baş tutacaq AZAL-"Qəbələ" görüşünün hazırlıqlarını davam etdirən "qırmızı-qaralar" bu gün axşam məşqi ilə doğma məkanda matçöncəsi hazırlıqlara yekun vuracaq. Sabah səhər saatlarında isə komanda paytaxta yola düşəcək. "Qəbələ" qarşılaşma öncəsi son məşqinə sabah saat 18:00-da AZAL-ın ev oyunlarını keçirdiyi Şüvəlan qəsəbə stadionunda çıxacaq. Komanda Bakıya bir itki ilə - məşq prosesində ağır zədə alan Rail Məlikovsuz yollanacaq.
Xatırladaq ki, matç sentyabrın 15-i saat 18:00-da start götürəcək və İdman Azərbaycan telekanalı vasitəsilə canlı yayımlanacaq.
OXŞAR XƏBƏRLƏR
