«Qəbələ» - «Zirə» - 1:2
13 mart 2016. Saat 15:00. Qəbələ şəhər stadionu, 2200 tamaşaçı
Baş hakim: Fariz Yusifov
Baş hakimin köməkçiləri: Nahid Əliyev, Cavanşir Yusifov
Dördüncü hakim: Ramil Əhmədov
AFFA nümayəndəsi: Əsgər Əmirəliyev
Hakim-inspektor: Vüsal Əliyev
Sarı vərəqələr: Ermin Zets, 30 (qeyri-idman hərəkəti); Voislav Stankoviç, 90+4 (qeyri-idman hərəkəti) // Çimezi Mbah, 24 (qeyri-idman hərəkəti); Nelson Bonilla, 64 (qeyri-idman hərəkəti); Vüqar Mustafayev, 76 (qeyri-idman hərəkəti); Adil Nağıyev, 90+2 (qeyri-idman hərəkəti)
Qollar: Aleksey Qay, 17 // Nelson Bonilla, 40, 84
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında XXV turun oyunları keçirilir. Turun mərkəzi oyununda turnir cədvəlinin ilk “üçlüy”ündə qərarlaşan “Qəbələ” ilə “Zirə” qarşılaşıb. Bu, komandaların son 12 gündə 3-cü qarşılaşması olub. Ölkə kubokunun 1/4 finalında hər iki oyunda qalib gələn (2:1, 5:1) “qırmızı-qaralar” çempionat matçına da 3 xal iddiası ilə çıxıb. Komandamız 4 gün öncə baş tutan matçla müqayisədə oyuna 2 dəyişikliklə başlayıb. Asif Məmmədov və cəzalı Rafael Santos “11-lik”də yer almayıb. Əvəzində “Qəbələ”nin kapitanı Dodo, həmçinin Ruslan Abışov start heyətinə qayıdıb.
Oyun qarşılıqlı hücumlarla başlayıb. Cüzi ərazi üstünlüyünə yiyələnən “Qəbələ”nin ilk təhlükəli hücumu 7-ci dəqiqəyə təsadüf edib. Ruslan Abışovun təxminən 30 metrdən cərimə zərbəsini qapıçı dəf edib. Arif Daşdəmirovun təkrar zərbəsi isə müdafiəçiyə tuş gəlib. 4 dəqiqə sonra Ermin Zetsin sağ cinahdan ötürməsini 7 metrdən baş zərbəsi ilə Dodo tamamlayıb. Lakin top dirəyin yanından ötüb. Paytaxt təmsilçisinin cinahla təşkil olunan təhlükəli hücumunun qarşısını isə qapı önünə ötürmədən sonra Dmitri Bezotosnı alıb. Oyunda ilk qol 17-ci dəqiqəyə təsadüf edib. 4 gün öncə kubok matçında dubla imza atan Aleksey Qay fərqlənib. Ukraynalı yarımmüdafiəçi Daşdəmirovun ötürməsini təxminən 11 metrlik məsafədən endirdiyi baş zərbəsi ilə tamamlayıb – 1:0. Bu, onun “Qəbələ”nin heyətində 12-ci qolu olub. Komandaların səylərinə baxmayaraq qapılar önündə real qol vəziyyətləri yaranmasa da, 30-cu dəqiqədə meydan sahibləri fərqi artırmağa yaxın olub. Elvin Camalovun 28 metrdən qüvvətli zərbəsini rəqib qapıçı “doqquzluq”dan çıxarıb. Təkrar zərbə endirən Qayın qapıya göndərdiyi topu isə müdafiəçilər uzaqlaşdırıb. Qarşılaşmanın 39-cu dəqiqəsində “Zirə” bərabərlik qoluna imza atıb. Cərimə meydanında 3 müdafiəçiylə mübarizə aparan Nurlan Novruzovun ötürməsindən sonra çempionatın bombardiri Nelson Bonilla qapını dəqiq nişan alıb. Hissənin sonlarında Abışovun 25 metrdən endirdiyi cərimə zərbəsi isə qeyri-dəqiq olub.
Fasilədən sonra Aleksey Antonovu meydana buraxan Roman Qriqorçuk hücum xəttini gücləndirməyə çalışıb. İkinci yarıda “qırmızı-qaralar” daha çox hücum edib, qonaqlar isə əks həmlələrə ümid edib. Sağ cinahda fəal olan Ermin Zets hissənin əvvəlində bir neçə dəfə diqqət mərkəzinə düşüb. O, əvvəl komandasına künc zərbəsi qazandırıb, 52-ci dəqiqədə isə onun qapı önündəki Dodoya ötürməsinin qarşısını Anar Nəzirov alıb. Az sonra künc zərbəsi təhlükəli alınsa da “Qəbələ”nin oyunçularından topun istiqamətini dəyişən olmayıb. Vojislav Stankoviçin tirin altına göndərdiyi cərimə zərbəsini də rəqib qapıçı çətinliklə küncə çıxarıb. Küncdən qapı önünə göndərilən zərbəni isə Abışov və Dododan heç biri tamamlamayıb. Ardınca komandamız rəqib qapısına təzyiqi artırsa da bakılıların müdafiə səddi real qol vəziyyətlərinin yaranmasının qarşısını alıb. Qonaqların əks-hücumları isə cərimə meydanında çatmamış yekunlaşıb. Oyunun sonlarında “Qəbələ” hesabı açmağa yaxın olub. Cərimə meydanına daxil olan Antonovun yaxın küncə zərbəsinə dəqiqlik çatmayıb. Qonaqların azsaylı hücumlarından biri qolla nəticələnib. Künc zərbəsindən sonra yaxın dirəyin önündə qərarlaşan Bonilla mövsümdə 10-cu qolu ilə “Zirə”ni hesabda irəli çıxarıb. Bundan sonra “Qəbələ” hücumlarının sayını artırsa da, hesab dəyişməyib. Son dəqiqədə Antonovun 20 metrdən zərbəsini Nəzirov tirin altından çıxarıb.
Beləliklə, öz meydanında 1:2 hesabı ilə uduzan “Qəbələ”nin turnir cədvəlinin 3-cü pilləsindəki mövqeyi dəyişməz qalıb.
“Qəbələ”
22. Dmitri Bezotosni
3. Voislav Stankoviç
4. Elvin Camalov
6. Rəşad Sadiqov
7. Ermin Zets
8. Məhəmməd Mirzəbəyov
(32. Rəşad Eyubov, 85)
9. Sergey Zenyov
(20. Rikardinyo, 81)
10. Dodo (k)
19. Aleksey Qay
(69. Aleksey Antonov, 46)
21. Arif Daşdəmirov
87. Ruslan Abışov
Ehtiyat oyunçular:
33. David Pietrzkeviç
5. Pavel Paşayev
15. Vitali Vernidub
25. Qismət Alıyev
Baş məşqçi: Roman Qriqorçuk
“Zirə”
1. Anar Nəzirov
2. Çimezi Mbah
6.Vüqar Mustafayev
9. Nelson Bonilla
10. İqor İvanoviç
(90. Vüsal İsgəndərli, 87)
11. Viktor İqbekoyi
13. Aleksandr Şemonayev (k)
14. Tellur Mütəllimov
19. Nurlan Novruzov
(5. Adil Nağıyev, 90)
28. Təmkin Xəlilzadə
(60. Elvin Məmmədov, 59)
39. Sadiq Quliyev
Ehtiyat oyunçular:
85. Kamal Bayramov
8. Tərzin Cahangirov
27. Rəşad Abdullayev
96. Elgün Nəbiyev
Baş məşqçi: Adil Şükürov
