“Qəbələ” – “Sabah” – 1:2
3 noyabr 2019. Saat 17:00. Qəbələ şəhər stadionu, 350 tamaşaçı
Baş hakim: Rəhim Həsənov
Baş hakimin köməkçiləri: Mübariz Haşımov, Namiq Hüseynov
Dördüncü hakim: Rəşad Əhmədov
Hakim-inspektor: Fariz Yusifov
AFFA nümayəndəsi: Maşallah Əhmədov
Sarı vərəqələr: Cavid İmamverdiyev, 5 (qeyri-idman hərəkəti); Məhəmməd Mirzəbəyov, 78 (qeyri-idman hərəkəti); Məqsəd İsayev, 84 (qeyri-idman hərəkəti); Saşa Stamenkoviç, 90+5 (oyunun bərpasını ləngitdiyinə görə)
Rəsmi şəxsə göstərilən sarı vərəqə: İqor Ponomaryov, 67 (hakimin qərarına etiraz)
Qollar: Davit Volkov, 43 // Cavid İmamverdiyev, 54; Hendrik Ekşteyn, 73
Artırılan vaxt: I hissədə 2 dəq; II hissədə 5 dəq.
Bu gün Azərbaycan Premyer Liqasında X tura yekun vurulub. Turun son oyunu Qəbələdə keçirilib. “Qəbələ” öz meydanında “Sabah”la görüşüb. “Qırmızı-qaralar”ın çalışdırıcısı Elmar Baxşıyev ötən turla müqayisədə start heyətində iki dəyişiklik edib. Sarı vərəqələr üzündən ötən qarşılaşmanı buraxan Merab Qiqauri və Fernan Lopez heyətə dönüb. Onlar ilk “11-lik”də Rövlan Muradov və Faiq Hacıyevi əvəzləyiblər.
Görüşə fəal başlayan “Qəbələ” ilk dəqiqələrdən təşəbbüsü ələ alıb. Lakin ardıcıl hücumları dəqiq zərbə ilə tamamlamaq mümkün olmayıb. Fernan Lopez, Merab Qiqauri, Klesio Bauk və Davit Volkovun zərbələri yaddaqalan olsa da, çərçivədən yan keçib. İlk yarının gedişində oyunda tarazlıq yaradan qonaqlar da bir neçə təhlükəli hücum təşkil edib. Qarşılıqlı hücumlar zamanı Anar Nəzirov bir neçə dəfə ustalığını göstərib. Klesionun 36-cı dəqiqədə endirdiyi baş zərbəsində də dəqiqlik çatmayıb. Fasilə ərəfəsində hesab açılıb. Topu rəqibdən “oğurlayan” Klesionun qapı önünə ötürməsini Volkov dəqiq zərbə ilə tamamlayıb – 1:0.
İkinci hissə paytaxt təmsilçisinin hücumları ilə başlayıb. Bunun nəticəsi olaraq Cavid İmamverdiyev hesabı bərabərləşdirib. Buraxılan qoldan sonra fəallığı artıran “Qəbələ” bir neçə qol imkanı əldə edib. Volkovun yaxın məsafədən zərbəsini qapıçı qaytarıbsa, Qiqauri hədəfə düşməyib. Qarşılıqlı hücumlarla davam edən görüşdə Qismət Alıyevin cərimə zərbəsi və Asif Məmmədovun qapını nişan alması da diqqət çəkib. Lakin “Sabah”ın sürətli əks-hücumu qonaqların önə keçməsi ilə nəticələnib. Bundan sonra hücumlarının kəsəri artan “qırmızı-qaralar” dəfələrlə bərabərlik qolu vurmağa yaxın olub. Volkovun baş zərbəsini qapıçı kornerə çıxarıb. İvitsa Juniç bir neçə metrdən tiri nişan alıb. Meydana sonradan daxil olan Ülvi İsgəndərov isə yaxın məsafədən başla dəqiq zərbə endirə bilməyib.
Beləliklə, “Qəbələ” doğma meydanda keçirdiyi görüşdən 1:2 hesablı məğlubiyyətlə ayrılıb.
“Qəbələ”
1. Anar Nəzirov (k)
8. Qismət Alıyev
11. Asif Məmmədov
7. Roman Hüseynov
(19. Rövlan Muradov, 85)
74. Yusif Nəbiyev
9. Davit Volkov
3. İviça Zuniç
10. Klesio Bauk
77. Merab Qiqauri
21. Fernan Lopez
(14. Ülvi İsgəndərov, 83)
2. Amin Seydiyev
Ehtiyat oyunçular:
94. Tərlan Əhmədli
36. Elməddin Sultanov
28. Murad Musayev
4. Sadiq Quliyev
20. Faiq Hacıyev
Baş məşqçi: Azər Bağırov
“Sabah”
1. Saşa Stamenkoviç (k)
22. Məqsəd İsayev
(6. Vadim Abdullayev, 90+2)
10. Cavid İmamverdiyev
17. Məhəmməd Mirzəbəyov
4. Bəhlul Mustafazadə
13. Filip İvanoviç
23. Amadu Diallo
27. Hendrik Ekşteyn
9. Ulise Diallo
(21. Rocer Roxas, 90+4)
26. Ozan Can Kökcü
(5. Kərim Diniyev, 81)
11. Şakir Seyidov
Ehtiyat oyunçular:
71. Dmitro Bezruk
99. Abbas Ağazadə
20. Anar Panayev
38. Arsen Ağcabəyov
Baş məşqçi: Rövşən Babayev
