“Qəbələ” – “Xəzər Lənkəran” – 0:0
27 fevral 2016. Saat 17:00. Qəbələ şəhər stadionu, 1100 tamaşaçı
Baş hakim: Rəvan Həmzəzadə
Baş hakimin köməkçiləri: Yaşar Abbasov, İsgəndər Əliyev
Dördüncü hakim: Elvin Əsgərov
AFFA nümayəndəsi: Abbas Hüseynov
Hakim-inspektor: Kərim Ağayev
Sarı vərəqələr: Aleksey Qay, 52 (hakimi aldatmağa cəhd); Elvin Camalov, 65; Asif Məmmədov, 90+4 (qeyri-idman hərəkəti) // İbrahim Qədirzadə, 68 (qeyri-idman hərəkəti); Orxan Sadıqlı, 87 (oyunun bərpasını ləngitdiyinə görə)
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında XXIII turun oyunları keçirilir. “Qəbələ” öz meydanında “Xəzər Lənkəran”la qarşılaşıb. Mövsümün ilk iki oyununda rəqibini quru hesabla məğlub edən “qırmızı-qaralar” bu görüşə qələbə iddiası ilə çıxıb. Son 3 turda eyni – 1:0 hesablı nəticələrlə azarkeşlərini sevindirən komandamız uğurlu seriyasını davam etdirmək əzmini ilk dəqiqələrdən ortaya qoyub. Ötən turun “Rəvan”la matçı ilə müqayisədə start heyətində 1 dəyişiklik olan “Qəbələ” matça fəal başlayıb. Belə ki, heyətə dönən Rəşad Sadiqov ilk “11-lik”də yer alıbsa, Samir Zərgərov start heyətdən kənar qalıb.
Üstünlüyə yiyələnən Roman Qriqorçukun yetirmələri ilk hissə boyu topa nəzarət edib. Qonaqlar isə nadir əks-hücumlarla müdafiəçilərimizi narahat etməyə çalışıb. “Qırmızı-qaralar”ın təşkil etdiyi ardıcıl hücumlar real qol vəziyyətlərinin yaranması ilə nəticələnməyib. Ön xətdə oyunun kəsərli alınmaması hesabın açılmasına imkan verməyib. İlk yarıda ən real qol vəziyyətini əldə edən Rəşad Eyyubovun effektli zərbə vurmaq istəyi də müsbət nəticə verməyib.
İkinci hissədə də matç eyni məcrada davam edib. Oyunun axarını dəyişib, hücum xəttini gücləndirmək istəyən Qriqorçukun əvəzetmələrindən sonra rəqib qapısı önündə təhlükələrin sayı artıb. Lakin müdafiə səddini yarmaqda çətinlik çəkən futbolçularımız bir neçə dəfə “Xəzər Lənkəran”ın sürətli əks-hücumları ilə üz-üzə qalıb. Oyunun sonlarında təzyiqi artıran “Qəbələ” bir neçə qol imkanı əldə etsə də, imkanlardan yararlanmayıb. Qonaqların qapıçısı əvvəl Rikardinyonun zərbəsini dəf edib. Sonra isə qarışıqlıqda hamıdan sayıq olub.
Beləliklə, “Qəbələ” 0:0 hesablı heç-heçə ilə xal hesabını 38-ə çatdırıb.
“Qəbələ”
22. Dmitri Bezotosni
3. Voijslav Stankoviç
(20. Rikardinyo, 75)
4. Elvin Camalov
6. Rəşad Sadiqov (k)
7. Ermin Zets
8. Məhəmməd Mirzəbəyov
9. Sergey Zenyov
19. Aleksey Qay
21. Arif Daşdəmirov
(66. Samir Zərgərov, 86)
32. Rəşad Eyubov
(11. Asif Məmmədov, 46)
44. Rafael Santos
Ehtiyat oyunçular:
33. David Pietrzkeviç
25. Qismət Alıyev
34. Urfan Abbasov
87. Ruslan Abışov
Baş məşqçi: Roman Qriqorçuk
“Xəzər Lənkəran”
1. Orxan Sadıqlı
6. Asif Mirili
7. Orxan Səfiyaroğlu
(66. Kənan Həsənov, 90+3)
8. Vüqar Bəybalayev
10. Tural Qürbətov
12. İlyas Səfərzadə
(99. Mahsum Qənbərli, 74)
15. Nodar Məmmədov
16. İbrahim Qədirzadə
(35. Elfad Baləhmədov, 70)
17. Vaquf Güləliyev
18. Tural Cəlilov (k)
32. Zaman Mirzəzadə
Ehtiyat oyunçular:
25. Tərlan Qasımzadə
4. Ruslan Cəfərov
41. Hüseyn Xəlilzadə
Baş məşqçi: Elbrus Məmmədov
