“Qəbələ” – “Araz-Naxçıvan” – 2:0
Azərbaycan Kuboku, 1/4 final mərhələsi cavab oyunu
9 fevral 2024. Saat 16:00. Qəbələ şəhər stadionu. 200 tamaşaçı
Baş hakim: İnqilab Məmmədov
Baş hakimin köməkçiləri: Namiq Hüseynov, Rahil Ramazanov
Dördüncü hakim: Kamran Əliyev
VAR: Rəşad Əhmədov
AVAR: Rəvan Həmzəzadə
Hakim-inspektor: Rəhim Həsənov
AFFA nümayəndəsi: Kifayət Mustafayeva
Sarı vərəqələr: Feras Abu Akal, 23 (qeyri-idman hərəkəti); Asif Məmmədov, 90+2 (qeyri-idman hərəkəti); Kristof Atanqana, 90+3 (oyunun bərpasının ləngidilməsi) // Nuno Rodriqes, 13 (qeyri-idman hərəkəti); İqor Ribeyro, 16 (qeyri-idman hərəkəti); Kadiri Mohammed, 74 (qeyri-idman hərəkəti); Vanderson Melo, 90+5 (qeyri-idman hərəkəti)
Qollar: Osama Xalayla, 39; Urfan Abbasov, 42
Artırılan vaxt: I hissədə 3 dəq; II hissədə 7 dəq.
İlk oyun – 1:1
“Qəbələ” növbəti oyununu keçirib. Komandamız Azərbaycan kubokunun 1/4 final mərhələsinin cavab matçına çıxıb. “Qırmızı-qaralar” Qəbələ şəhər stadionunda “Araz-Naxçıvan”la üz-üzə gəlib.
Matç qarşılıqlı hücumlarla başlayıb. İlk dəqiqələrdən fəal təsir bağışlayan Elmar Baxşıyevin yetirmələrinin hücumları daha kəsərli alınıb. Hissənin ortalarında Osama Xalayladan ötürmə alan Bilel Auaşeriya üz-üzə qaldığı qapıçı ilə dueldən qalib ayrıla bilməyib.
Qonaqların bir neçə yaddaqalan zərbəsini Kristof Atanqana dəf edib. Hesab hissənin sonlarında açılıb. “Qəbələ” fasilə ərəfəsində ardıcıl iki qola imza atıb.
Öncə Osama Xalayla yaxın məsafədən qüvvətli zərbə ilə toru silkələyib. Üç dəqiqə sonra Samuel Tettehin ötürməsini Urfan Abbasov tamamlayıb – 2:0.
Oyunda dönüş yaratmağa çalışan rəqib ikinci hissəyə daha fəal başlayıb. Müdafiəçilərimiz və Atanqana bir neçə epizodda rəqibin önünü ala biliblər. Sürətli hücumlar quran “Qəbələ” fərqi artırmaq imkanları əldə edib.
Komandamız qonaqların təzyiqinin qarşısı alındıqdan sonra oyunu bərabərləşdirib. Daha təhlükəli hücumlar quran “Qəbələ” Osama Xalayla və Bilal Auaşeriya ilə əlverişli qol imkanları qazanıb. Lakin onların zərbələrində dəqiqlik çatmayıb. Rəqib hücumlarının qarşısını alan futbolçularımız fərqi artırmağa da yaxın olub. Son dəqiqələrdə Gilad Abramovun zərbəsini qapıçı dəf edib. Beləliklə, ilk yarıda vurulan qollar “Qəbələ”yə 2:0 hesablı qələbə qazandırıb. Bununla da komandamız növbəti mərhələyə yüksəlib.
“Qırmızı-qaralar” yarımfinalda “Zirə” ilə qarşılaşacaq. Aprelin 2-də səfər matçına çıxacaq komandamız ayın 23-də rəqibini qəbul edəcək.
Qeyd edək ki, “Qəbələ” növbəti oyununu fevralın 13-də “Turan Tovuz”a qarşı keçirəcək. Misli Premyer Liqasının XXII turunun Tovuz şəhər stadionundakı matçı saat 15:00-da başlayacaq.
“Qəbələ”
13. Kristof Atanqana
2. İlkin Qırtımov
34. Urfan Abbasov (k)
28. Murad Musayev
5. Rauf Hüseynli
7. Emil Səfərov
20. Bilel Auaşeriya
19. Samuel Tetteh
(14. Ülvi İsgəndərov, 73)
6. Feras Abu Akal
(11. Asif Məmmədov, 57)
9. Əyyub Allaş
(8. Gilad Abramov, 85)
72. Osama Xalayla
(18. Mehrac Baxşalı, 85)
Ehtiyat oyunçular:
1. Rəşad Əzizli
36. Elməddin Sultanov
12. Nicat Əliyev
33. Hüseyn Mürsəlov
71. Sənan Ağalarov
30. Şahin Şahniyarov
27. Eşqin Əhmədov
17. Yaovi Akakpo
Baş məşqçi: Elmar Baxşıyev
“Araz-Naxçıvan”
12. Kristian Avram
6. Vadim Abdullayev
(11. Ramin Nəsirli, 83)
39. Tural Bayramlı
(19. Aksel Nqando, 46)
3. Turan Manafov
22. Elçin Mustafayev
17. İldar Alekperov
(14. Miço Kuzmanoviç, 46)
9. Elvis Maşike
(10. Orxan Əliyev, 46)
29. Vanderson Melo
23. Nuno Rodriqes
(8. İsmail Azzaui, 46)
42. Kadiri Mohammed (k)
4. İqor Ribeyro
Ehtiyat oyunçular:
91. Semir Bukviç
1. Vüsal Şabanov
7. Nicat Süleymanov
55. Zamiq Əliyev
88. Tuqay Əlizadə
27. Numan Kurdiç
Baş məşqçi: Azər Bağırov
