«Qəbələ» yoxlama oyunu keçirib
Xəbərlər / 9 Oktyabr 2014 | 15:50229
"Qəbələ" 1-2 AZAL
Milli komandaların oyunları ilə əlaqədar Topaz Premyer Liqasında yaranan fasilə dövründə “Qəbələ” yoxlama oyunu keçirib. VIII turun “Qarabağ”la səfər oyununa hazırlaşan “qırmızı-qaralar” bu matçı doğma meydanda keçirib. Dorinel Muntyanunun yetirmələri yığmaların heyətində olanların və zədə üzündən hazırlıqlarda iştirak etməyənlərin meydana çıxmadığı görüşə aşağıdakı start heyətlə başlayıb: Anar Nəzirov, Rafael Santos, Pavol Farkaş, Ürfan Abbasov, Ruslan Tağızadə, Adrian Ropotan, Aleksandru Benqa, Andrey Kristea, Ehiosun Ekiqo, Yazalde Pinto, Viktor Mendi.
Qarşılaşmada hesabı “Qəbələ” açıb. Matçın 44-cü dəqiqəsində Ropotan fərqlənib. Fasilədən sonra Ekiqonu Markinyoş, Tağızadəni Müşfiq Teymurov, Yazaldeni Tellur Mütəllimov, Benqanı Bəhlul Mustafazadə əvəzləyib. Lakin ikinci hissədə 2 qol vurmağı bacaran qonaqlar 2:1 hesabı ilə qalib gəlib.
Xatırladaq ki, bu komandalar arasında Premyer Liqanın IV turunun avqustun 30-da baş tutan oyununda da AZAL eyni hesabla qalib gəlmişdi. XII turun noyabrın 20-də keçiriləcək matçında isə rəqiblər Bakıda üz-üzə gələcək.
OXŞAR XƏBƏRLƏR
