“Qəbələ” – “Zirə” – 1:0
19 noyabr 2016. Saat 15:00. Qəbələ şəhər stadionu, 500 tamaşaçı
Baş hakim: Ömər Paşayev
Baş hakimin köməkçiləri: Knyaz Əmiraslanov, Vüsal Qənbərov
Dördüncü hakim: Akif Əmirəli
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Eldəniz Musayev
Hakim-inspektor: Əli Hüseynov
Sarı vərəqələr: Rəşad Sadiqov, 31 (qeyri-idman hərəkəti) // Cavid Tağıyev, 30 (qeyri-idman hərəkəti); Sezar Meza Kolli, 31 (qeyri-idman hərəkəti); Vüqar Mustafayev, 47 (qeyri-idman hərəkəti)
Qol: Filip Ozobiç, 52
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XII tura start verilib. Milli komandaların oyunları ilə əlaqədar yaranan fasilədən sonra ilk görüş Qəbələdə baş tutub. Çempionatın lideri “Qəbələ” öz meydanında “Zirə”ni qəbul edib. Ötən turun AZAL-la görüşü ilə müqayisədə start heyətində 3 dəyişiklik olub. Cəza səbəbindən texniki zonadan kənarda qalan Roman Qriqorçuk Teo Uiks, Ürfan Abbasov və Asif Məmmədova “11-lik”də yer verməyib. Əvəzində Rəşad Sadiqov, Məhəmməd Mirzəbəyov və Baqali Dabo əsas heyətdə yer alıblar.
Ötən mövsümün mükafatçılarının oyunu gözlənildiyi kimi “qırmızı-qaralar”ın fəallığı ilə başlayıb. İlk dəqiqələrdən təşəbbüsə yiyələnən komandamız topa daha çox nəzarət edib. Qonaqlar ilk dəqiqələrdən müdafiəyə çəkilmək istəməsə də, buna məcbur olub. Daha çox əks-hücumlara ümid edən paytaxt təmsilçisinin qapısına ardıcıl hücumlar təşkil edən “qırmızı-qaralar” rəqibin güclü müdafiə xətti ilə üz-üzə qalıb. Bu səddi daha çox cinahlardan, xüsusilə də Baqali Dabo və Rikardinyonun fəal olduğu soldan yarmağa çalışan “Qəbələ” ilk yarıda bir necə dəfə qola yaxın olub. Ruslan Qurbanovun mərkəzlə irəliləyib 25 metrdən qapını nişan aldığı epizodda qolkiper inamlı çıxış edib. Ardınca qapıçı ilə təkbətək çıxan Rəşad Eyubovun zərbəsi qolkiperə toxunaraq küncə çıxıb. Rikardinyonun cərimə zərbəsindən sonra Vojislav Stankoviçin yaxın məsafədən endirdiyi baş zərbəsində isə dəqiqlik çatmayıb. Düzdür, rəqib qapıçı də ilk 45 dəqiqəni səhvsiz keçirməyib. Çıxışda kobud səhvə yol verən Anar Nəzirov topu Rikardinyonun önünə qaytarıb. Braziliyalı boş qalan qapını nişan alsa da, 20 metrdən çərçivəyə düşməyib.
Fasilədən sonra komandanın kapitanı Cavid Hüseynovu meydana buraxan məşqçilər korpusu oyunda dəyişikliyə nail ola bilib. Orta sahənin daha da güclənməsi rəqib qapısı önündə təhlükəli epizodların artması ilə nəticələnib. Kapitanın ötürməsindən sonra qapıçı meydanının küncündə qərarlaşan Ozobiçin ilk zərbəsi qapıçıdan dönüb, təkrar toxunuş dəqiq alınmayıb. Lakin xorvatiyalı öz qolunu vurmağı bacarıb. Təxminən 23 metrdən “doqquzluğ”u nişan alan legioner Premyer Liqada 5-ci, “Qəbələ”də 7-ci qolunu vurub – 1:0. Bundan başqa ardıcıl iki epizodda cinahdan qapı önünə ötürmələr təhlükəli alınsa da, sonda topa dəqiq toxunuş olmayıb. Buraxılan qoldan sonra fəallaşan bakılılar isə oyunda tarazlıq yaradıb. Hətta qısa müddət üstünlüyə də yiyələnən qonaqların hesabı bərabərləşdirmək cəhdləri uğursuz alınıb. Sezar Meza Kollinin zərbəsini Dmitri Bezotosnı dəf edib. Nurlan Novruzov isə qapıçı ilə təkbətək çıxdığı epizodda çərçivəyə düşməyib. Qarşılıqlı hücumlar şəraitində keçən dəqiqələrdə “Qəbələ” fərqi artırmaq üçün bir neçə qol imkanı yaxalayıb. Lakin çempionatın ən yaxşı bombardiri olan Baqali Dabo ardıcıl bir neçə dəfə zərbə vurmaq imkanını qaçırıb. Sağ cinahdan ötürmə alan Ruslan Qurbanov isə əlverişli imkanı boşa verib. Buna onun zərbə anını gecikdirməsi səbəb olub.
Beləliklə, 1:0 hesabı ilə qalib gələn “Qəbələ” xal hesabını 28-ə çatdıraraq, 1-ci pillədəki mövqeyini qoruyub. Bununla da “qırmızı-qaralar”ın məğlubiyyətsiz oyunlar seriyası da 14-ə çatıb.
“Qəbələ”
22. Dmitri Bezotosnı
3. Vojislav Stankoviç
4. Elvin Camalov
6. Rəşad Sadiqov (k)
10. Ruslan Qurbanov
15. Vitali Vernidub
17. Məhəmməd Mirzəbəyov
18. Baqali Dabo
(27. Teo Uiks, 90)
19. Filip Ozobiç
20. Rikardinyo
32. Rəşad Eyubov
(14. Cavid Hüseynov, 46)
Ehtiyat oyunçular:
33. David Pietrzikeviç
8. Qismət Alıyev
11. Asif Məmmədov
34. Ürfan Abbasov
44. Rafael Santos
Məşqçi: Sənan Qurbanov
“Zirə”
1. Anar Nəzirov (k)
5. Adil Nağıyev
6. Vüqar Mustafayev
7. Gerhard Proqni
(13. Aleksandr Şemonayev, 85)
8. Milan Duriç
11. Viktor İqbekoyi
(19. Nurlan Novruzov, 46)
20. Sezar Meza Kolli
23. Yovan Krneta
28. Təmkin Xəlilzadə
44. Migel Lorenso
92. Cavid Tağıyev
(10. Elvin Məmmədov, 80)
Ehtiyat oyunçular:
62. Abdulla Seyidəhmədov
17. Vüsal İsgəndərli
18. Tural Cəlilov
77. Yamin Ağakərimzadə
Baş məşqçi: Adil Şükürov
