Topaz Premyer Liqasında XIII turun təyinatları açıqlanıb. Dekabrın 1-2-də keçiriləcək oyunları idarə edəcək hakimlər, onların işinə qiymət verəcək hakim-inspektorlar və AFFA nümayəndələri müəyyənləşib. Turun ikinci günündə “Zirə”ni qəbul edəcək “Qəbələ”nin ev qarşılaşmasının təyinatları da bəlli olub. Qəbələ şəhər stadionundakı matçı Vüqar Həsənli idarə edəcək. Onun köməkçiləri Namiq Hüseynov və Cəmil Quliyev olacaq. Görüşün dördüncü hakim funksiyasını Rövşən Rəcəbov yerinə yetirəcək. Oyunun hakim-inspektoru Asim Xudiyev, AFFA nümayəndəsi isə Namiq Məstanov olacaq.
Xatırladaq ki, dekabrın 2-də keçiriləcək “Qəbələ” – “Zirə” oyunu saat 17:00-da başlayacaq.
Topaz Premyer Liqası
2 dekabr (bazar)
17:00. “Qəbələ” – “Zirə”
Hakimlər: Vüqar Həsənli, Namiq Hüseynov, Cəmil Quliyev, Rövşən Rəcəbov
Hakim-inspektor: Asim Xudiyev
AFFA nümayəndəsi: Namiq Məstanov
Qəbələ şəhər stadionu
