Topaz Premyer Liqasında XXV turun bütün təyinatları açıqlanıb. Aprelin 18-19-da keçiriləcək qarşılaşmaları idarə edəcək hakimlər, hakim-inspektor və AFFA nümayəndələri müəyyənləşib. Turun ikinci günündə meydana çıxacaq “Qəbələ”nin “Zirə” ilə matçının təyinatları da bəlli olub. Qəbələ şəhər stadionundakı qarşılaşmanı İnqilab Məmmədov idarə edəcək. Onun köməkçiləri Rahil Ramazanovla Cavanşir Yusifov olacaq. Dördüncü hakim funksiyasını Rəşad Əhmədov yerinə yetirəcək. Matçın hakim-inspektoru Zöhrab Qədiyev, AFFA nümayəndəsi Mübariz Hüseynov olacaq.
Xatırladaq ki, aprelin 19-da keçiriləcək “Qəbələ” – “Zirə” oyunu saat 16:00-da başlayacaq.
Topaz Premyer Liqası
XXV tur
19 aprel (cümə)
16:00. “Qəbələ” – “Zirə”
Hakimlər: İnqilab Məmmədov, Rahil Ramazanov, Cavanşir Yusifov, Rəşad Əhmədov
Hakim-inspektor: Zöhrab Qədiyev
AFFA nümayəndəsi: Mübariz Hüseynov
Qəbələ şəhər stadionu
