“Zirə” - “Qəbələ” – 1:0
16 dekabr 2015. Saat 18:30. Zirə İdman Kompleksinin stadionu, 700 tamaşaçı
Baş hakim: Fariz Yusifov
Baş hakimin köməkçiləri: Namiq Hüseynov, Cavanşir Yusifov
Dördüncü hakim: Munis Abdullayev
Əlavə köməkçi hakimlər: Əliyar Ağayev, İnqilab Məmmədov
AFFA nümayəndəsi: Sakin Məmmədzadə
Hakim-inspektor: Gülağa Cabarov
Sarı vərəqələr: Kamal Bayramov, 67 (oyunun bərpasını ləngitdiyinə görə) // Elvin Camalov, 28 (qeyri-idman hərəkəti)
Qollar: Nicat Qurbanov, 24
Artırılan vaxt: I hissədə - yoxdur.; II hissədə 4 dəq.
Bu gün Topaz Premyer Liqasında XVII turun növbəti oyunları keçirilib. “Qəbələ” səfərdə “Zirə” ilə qarşılaşıb. Liderlər qrupunda qərarlaşan hər iki komanda qış fasiləsi öncəsi 2-ci pilləni ələ keçirmək imkanına malik olduğundan qarşılaşma böyük maraq kəsb edib. “Qırmızı-qaralar” ötən turla müqayisədə qarşılaşmaya start heyətində 5 dəyişikliklə başlayıb. Vojislav Stankoviç, Məhəmməd Mirzəbəyov, Qismət Alıyev, Derlis Meza Kolli və cəzalı Arif Daşdəmirov bu dəfə “11-lik”də olmayıb. Əvəzində Elvin Camalov, Sergey Zenyov, Rikardinyo, Ürfan Abbasov və Ruslan Abışov ilk dəqiqələrdən meydana çıxıb. Adətən dayaq yarımmüdafiəçisi kimi çıxış edən Camalov sağ cinah müdafiəçisi kimi mübarizə aparması ilə diqqət çəkib.
Görüş qarşılıqlı hücumlarla başlasa da, meydan sahibləri üstünlüyə yiyələnib. Bunun nəticəsi olaraq Təmkin Xəlilzadə 10-cu dəqiqədə hesabı açmağa yaxın olub. Lakin onun zərbəsində dəqiqlik çatmayıb. Topa nəzarəti ələ almağa çalışan komandamızın hücumları da kəsərli alınıb. Rikardinyonun hava ötürməsindən sonra Zenyovun baş zərbəsi qonaqların müdafiə xəttinə həyəcan yaşatsa da, top tirin üstündən keçib. Hissənin ortalarında hesab açılıb. Müdafiə xəttindəki səhvdən sonra Nicat Qurbanov fərqlənib – 1:0. “Qəbələ” buraxılan qoldan sonra böyük qüvvə ilə hücuma keçib. Lakin etibarlı müdafiə olunan Zirə təmsilçisi üstünlüyü rəqibə vermək istəməyib. Buna baxmayaraq “qırmızı-qaralar” qol imkanı əldə edib. Rikardinyonun cərimə zərbəsindən sonra Dodonun baş zərbəsi təhlükəli alınsa da, top dirəyin yanından keçib.
İkinci hissəyə əvəzetmə ilə başlayan komandamız fasilədən sonra üstünlüyü ələ alıb. Fakundo Pereyranın meydana daxil olması ilə ön xətdə fəallığı artıran “qırmızı-qaralar” 46-cı dəqiqədə qola yaxın olub. Lakin Antonovun yaxın məsafədən zərbəsi dirəyin yanından ötüb. Bir neçə dəqiqə sonra da ukraynalı qapı istiqamətində qüvvətli zərbə endirib. Bu dəfə qapıçı topu tutub. Hücumun sivri ucunda qərarlaşan legioner 56-cı dəqiqədə Dodonun ötürməsindən sonra başla zərbə endirsə də, top dirəyin yanından keçib. Oyunda dönüş yaratmağa çalışan paytaxt təmsilçisi ardıcıl bir neçə hücum təşkil etsə də, Andrey Popoviç inamlı oynayıb. Bundan sonra da əks-hücumlara ümid edən meydan sahibləri böyük qüvvə ilə müdafiə olunub. Bu səddi yarmaqda çətinlik çəkən “qırmızı-qaralar” 65-ci dəqiqədə hesabı dəyişmək üçün əlverişli imkan əldə edib. Lakin sonda Dodo iti bucaq altında zərbə endirməli olub ki, burada da rəqib qapıçısı səhvsiz çıxış edib. “Zirə”nin təhlükəli əks-hücumunda isə müdafiəçilər Nelson Bonillanın qarşısını alıb. Ardınca isə Popoviç rəqibin zərbəsinin qarşını alıb. Meydanda ən fəallardan olan Antonovun cərimə zərbəsini rəqib qapıçı dəf edib. Kamal Bayramov qısa müddətdə daha bir dəfə qüvvətli zərbəni qaytarıb. Hücumlarına ara verməyən komandamızın növbəti qol imkanını Aleksey Qay əldə edib. Onun baş zərbəsi qarşısında Kamal da aciz qalsa da, top rəqib futbolçunun başından dönüb. Qapıya ardıcıl zərbələr endirən komandamızın heyətində əvvəl Rəşad Sadiqov, ardınca Ermin Zets çərçivəyə düşə bilməyib. “Zirə”nin sürətli əks-hücumu zamanı meydan sahibləri fərqlənməyə yaxın olsa da, son zərbə dəqiq alınmayıb. Hakimin final fitinə qədər rəqib qapısına həmlələr təşkil edən “qırmızı-qaralar” hesabı dəyişə bilməyib.
Beləliklə, paytaxtdakı qarşılaşmadan 0:1 hesablı məğlubiyyətlə ayrılan “Qəbələ” 27 xalla 4-cü pillədə qərarlaşıb.
“Zirə”
85. Kamal Bayramov
39. Sadiq Quliyev
37. Yovan Krneta
5. Adil Nağıyev
13. Aleksandr Şemonayev (k)
2. Çimezi Mbah
33. Dieqo Souza
(8. Tərzin Cahangirov, 70)
11. Viktor İqbekoyi
(10. İqor İvanoviç, 53)
17. Nicat Qurbanov
28. Təmkin Xəlilzadə
(32. Luis Alberto Diez, 80)
9. Nelson Bonilla
Ehtiyat oyunçular:
95. Elməddin Məmmədov
27. Rəşad Abdullayev
70. Mirkamil Həşimli
19. Nurlan Novruzov
Baş məşqçi: Adil Şükürov
“Qəbələ”
1. Andrey Popoviç
4. Elvin Camalov
6. Rəşad Sadiqov
9. Sergey Zenyov
(32. Fakundo Pereyra, 46)
10. Dodo (k)
19. Aleksey Qay
20. Rikardinyo
(7. Ermin Zets, 57)
34. Ürfan Abbasov
44. Rafael Santos
69. Aleksey Antonov
87. Ruslan Abışov
Ehtiyat oyunçular:
33. David Pietrzkeviç
3. Voislav Stankoviç
8. Məhəmməd Mirzəbəyov
25. Qismət Alıyev
70. Vaqif Cavadov
Baş məşqçi: Roman Qriqorçuk
